’’اِنْ كُنْتُمْ تُؤْمِنُوْنَ بِاللہِ ۔۔۔الایۃ‘‘کے مقتضی پر خوب غور کیجئے کہ اللہ تعالیٰ ان لوگوں کے ایمان کی کس طرح نفی فرما رہا ہے جو اختلافی مسائل میں قرآن و حدیث کو اپنانے اور چمٹے رہنے کے بجائے اپنے ائمہ و اصحاب کے اقوال و فتاویٰ سے تعلق و تمسک قائم کر لیتے ہیں ، اورہمیشہ اس روشِ بد پر اَڑے رہتے ہیں۔ کبھی تو گوشہ تنہائی میں بیٹھ کر سوچا جائے کہ اس غلط روی کی سزا کتنی بھیانک ہوگی ۔ ہم بڑے درددل اور اخلاص کے ساتھ ان لوگوں کو رجوع الی الکتاب والسنۃ یعنی اہل حدیث بننے کی دعوت دیتے ہیں جو اختلافی مسائل و امور میں اپنے اپنے ائمہ و قائدین و بزرگان دین کے اقوال پر اکتفاء کئے بیٹھے ہیں ۔ ورنہ تم سب کو معلوم ہونا چائیے کہ اللہ تعالیٰ نے ان تمام امور کا قیامت کے دن فیصلہ فرما دینا ہے ، پھر کوئی سوچ یا ندامت کام نہیں آئے گی ۔ [يَوْمَىِٕذٍ يَّتَذَكَّرُ الْاِنْسَانُ وَاَنّٰى لَہُ الذِّكْرٰى][1] ترجمہ: اس دن انسان کو سمجھ آئے گی مگر آج اس کے سمجھنے کا فائده کہاں؟ وہ یوم الحساب ہے ، دارالعمل نہیں ۔ فیصلہ بہرحال اللہ تعالیٰ کا ہی ہے فیصلہ بہرحال اللہ تعالیٰ کا ہی ہے چاہے یہ حقیقت دنیا میں قبول کر لو اور اس میں فائدہ ہے ، اور چاہے یہا ں اپنی من مانیاں کرلو اور روز محشر تمام اولین و آخرین کے سامنے اللہ تعالیٰ کے فیصلہ کا انتظار کرلو۔ فرمایا:[ ثُمَّ اِلَيَّ مَرْجِعُكُمْ فَاَحْكُمُ بَيْنَكُمْ فِيْمَا كُنْتُمْ فِيْہِ تَخْتَلِفُوْنَ] [2] |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |