| خیرالقرون سے عمل بالحدیث کی چندمثالیں میں آخر میں خیر القرون کے تعامل سے کچھ مثالیں پیش کرتا ہوں جن سے واضح ہوگا کہ ہمارے اسلاف کا عقیدہ و منہج کیا تھا ؟ جن لوگوں کو اللہ تعالیٰ نے دنیا میں جنت کی بشارتیں دے دیں ان کا معیار حق وصداقت کیا تھا؟تاکہ یہ بات خوب نکھر کر بڑی وضاحت کے ساتھ سامنے آجائے کہ جو چیز اس دور میں حق تھی وہ آج بھی حق ہے اور جو چیز اس دور میں باطل تھی وہ آج بھی باطل ہے ۔ (۱)جناب علی بن ابی طالب رضی اللہ عنہ کو معلوم ہو اکہ عبداللہ بن عباس رضی اللہ عنہما متعہ کے جواز کے قائل ہیں تو آپ نے ارشاد فرمایا: [ان رسول اللہ صلی اللہ علیہ وسلم نھی عنھا یوم خیبر ][1] رسول اللہ صلی اللہ علیہ وسلم نے جنگ خیبر کے موقع پر اس سے منع فرمادیا تھا ۔ ابو داؤد طیالسی کی روایت میں ہے کہ علی رضی اللہ عنہ نے عبدا للہ بن عباس رضی اللہ عنہما سے بذات خود فرمایا : [انظر ماذا تفتی فاشھد أن رسول اللہ صلی اللہ علیہ وسلم نھی عن نکاح المتعہ ] یعنی تم غور تو کرو کیا فتویٰ دے رہے ہو میں گواہی دیتا ہوں کہ رسول اللہ صلی اللہ علیہ وسلم نے نکاح متعہ سے منع فرما دیا تھا ۔ اور طبرانی اوسط کی روایت کے مطابق یہی بات عبداللہ بن عمر رضی اللہ عنہما نے ابن عباس رضی اللہ عنہ سے فرمائی تھی ۔ (۲)ام المؤمنین عائشہ صدیقہ رضی اللہ عنہا کو خبر ملی کہ عبداللہ بن عمرو بن العاص رضی اللہ عنہ عورتوں کو |
| Book Name | خطبات |
| Writer | فضیلۃ الشیخ عبداللہ ناصر رحمانی |
| Publisher | جمعیت اہل حدیث سندہ |
| Publish Year | |
| Translator | |
| Volume | ایک جلد |
| Number of Pages | 366 |
| Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |