دھوکے کا شکار بھی ہوسکتے ہیں کہ جب ان کے مضامین ہمارے مجلات کی زینت بنتے ہیں تو یہ لوگ بھی صحیح ہونگے۔ ہمارے مکتبات اور بک اسٹالوں پر ان کی کتب فروخت کی جاتی ہیں ،یہ بھی ان کی تائید وتعظیم کا ایک حصہ ہے، جوکہ سلفی تمیز کے منافی ہے۔تبلیغ کے نام پر جماعتیں بن رہی ہیں اور وہ فریضہ تبلیغ کی ادائیگی کیلئے اہل بدعت کی ایک تبلیغی جماعت کا پوری طرح تشبہ اختیار کرنے کی کوشش کررہی ہیں،ان کے ہاں تمام تر مروجہ اصطلاحات واستعارات کا استعمال ہورہا ہے یہ بھی اہل بدعت کی تائید اور ان کے ساتھ اظہارِ یکجہتی ہے۔ ہمیں شاید اس تلخ حقیقت کا ادراک نہیں ہے کہ جن کی نقالی پر ہم اظہارِ فخر کررہے ہیں وہ ایسے سلسلوں سے وابستہ ہیں جن کے عقائد میں صوفیت اور حلولیت کا رنگ موجود ہے، ہمارے اکابرین کا یہ تساہل بہت سے لوگوں کے دلوں سے عقیدہ کی غیرت کے ختم ہونے کا موجب بن رہا ہے ،ہمارے پاس ہمارا سلفی نظام ِتبلیغ موجود ہے جو انبیاء ِکرام کی وراثت ہے،ہمیں اس وراثت پر فخرہے،مگر افسوس ! ہم ان سَچے موتیوں کو چھوڑ کر در در کی خاک چھاننے اور ایرو ں غیروں سے بھیک مانگنے کی کوشش میں مصروف ہیں۔اسی قسم کے بے وقعت اہل الحدیث پر مولانا ابوبکر غزنوی رحمہ اللہ رویا کرتے تھے اور فرمایا کرتے تھے:’’آج اہل الحدیث کی مثال اس شہزادی کی سی ہے، جس کا دامن ہیروں اور جواہرات سے لدا پھداہو، اور اسے دوسروں کی کھوٹی چونیاں چوری کرنے کی عادت ہو۔‘‘لاحول ولاقوۃ الا ب اللہ ۔ فکرِ اہل حدیث ایک پُروقار علمی تحریک! حضراتِ گرامی! فکرِاہل الحدیث درحقیقت ایک انتہائی پروقار ،سنجیدہ اور علمی تحریک |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |