اس کی توحید ربوبیت ناقص اورناقابل قبول ہے ،تمام تر دعووں کے باوجوداس کا عقیدہ خلل اوراضطراب کا شکار ہے ،جب توحید ربوبیت جوکہ بقیہ تمام اقسامِ توحید (توحید الوہیت،توحیداسماء وصفات)کی مفتاح بلکہ اساس ہے، میں خلل واقع ہوگیاتو اس کا تمام تر ایمان وعقیدہ اور بنابریں ہرقسم کا عمل برباد ہوگیا، ارشاد باری تعالیٰ ہے:[وَمَنْ يَّكْفُرْ بِالْاِيْمَانِ فَقَدْ حَبِطَ عَمَلُہٗ۰ۡ][1] یعنیـ: جو شخص ایمان میں کسی انکارکا شکارہوگیا تواس کا ہرقسم کاعمل برباد اور رائیگاں ہے ۔ توحیدربوبیت کے نکتۂ اول کی وضاحت حضرات! توحید ربوبیت کا پہلا نکتہ یہ ہے کہ اللہ تعالیٰ ہی ہر شیٔ کاخالق ہے،جیسا کہ اللہ تعالیٰ کا فرمان ہے:[اَللہُ خَالِقُ كُلِّ شَيْءٍ۰ۡوَّہُوَعَلٰي كُلِّ شَيْءٍ وَّكِيْلٌ][2] یعنی: اللہ تعالیٰ ہی ہر شیٔ کاخالق ہے اور وہ ہر شیٔ پر کارساز ہے۔ اللہ تعالیٰ نے خلق کے تعلق سے تمام اولین وآخرین کو چیلنج کیا ہے،[ھٰذَا خَلْقُ اللہِ فَاَرُوْنِيْ مَاذَا خَلَقَ الَّذِيْنَ مِنْ دُوْنِہٖ۰ۭ بَلِ الظّٰلِمُوْنَ فِيْ ضَلٰلٍ مُّبِيْنٍ][3] یعنی:یہ ساری کائنات اللہ تعالیٰ کی خلق ہے ،پس مجھے دکھاؤکہ ان لوگوں نے کیا پیداکیا ہے جو اس کے سوا (پکارے جاتے) ہیں، بلکہ ظالم کھلی گمراہی میں ہیں۔ بلکہ اللہ تعالیٰ نے پوری کائنات کے وہ تمام معبود،جنہیں اس کے سوا پوجاجاتا ہے،کے عجزکاذکرفرمایا،یعنی وہ سب ایک مقام پر اکھٹے ہوکر اپنی تمام تر طاقتیں وصلاحیتیں صرف |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |