ترجمہ:اسے اللہ تعالیٰ قطعاً نہ بخشے گا کہ اس کے ساتھ شریک مقرر کیا جائے، ہاں شرک کے علاوه گناه جس کے چاہے معاف فرما دیتا ہے اور اللہ کے ساتھ شریک کرنے والابہت دور کی گمراہی میں جا پڑا ۔ محبتِ رسول صلی اللہ علیہ وسلم کا تقاضا بھی یہی ہے کہ اس اسوۂ مبارکہ جو دینِ اسلام کی اساس ہے اور امورِ ایمان میں سب سے مقدم ہے کی دل وجان سے اتباع کی جائے،بصورتِ دیگر اللہ تعالیٰ کی طرف سے اس وعید شدید کا انتظار کرو:[وَمَنْ يَّكْفُرْ بِالْاِيْمَانِ فَقَدْ حَبِطَ عَمَلُہٗ۰ۡوَہُوَفِي الْاٰخِرَۃِ مِنَ الْخٰسِرِيْنَ ][1] ترجمہ: منکرین ایمان کے اعمال ضائع اور اکارت ہیں اور آخرت میں وه ہارنے والوں میں سے ہیں ۔ حضرات!گذشتہ سطورمیں ہم یہ بتاچکے کہ دین اسلام کے دو اہم بنیادی اصول ہیں:ایک توحیدِ عبادت،دوسرا توحیدِ طریقِ عبادت۔ ہم توحیدِ عبادت کی اہمیت وفرضیت اور قطعیت وحتمیت کے بارے میں کچھ گذارشات پیشِ خدمت کرچکے ہیں،جن سے یہ ثابت ہوچکا ہے کہ توحیدِ عبادت کے بغیر کسی انسان کی نجات کی کوئی صورت نہیں ہے،نہ ہی کبھی بخشش کا امکان ہے،بلکہ انجام دیئے گئے تمام اعمالِ صالحہ برباد ہوجاتے ہیں۔ توحیدِ طریق عبادت-رسول اللہ صلی اللہ علیہ وسلم کی حیاتِ طیبہ کے چندمظاہرومشاہد توحیدِ عبادت کی طرح توحیدِطریقِ عبادت بھی دین اسلام کی اہم ترین بنیاد اور رکنِ |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |