| اصحاب کہف کا واقعہ بھی اسی سلسلہ غربت کی ایک کڑی ہے صرف سات نوجوانوں نے اللہ تعالیٰ کی توحید کو قبول کر لیاپھر اپنی پوری قوم و برادری سے کٹ گئے ،زندگی کی مراعات کو ٹھکرا دیا ۔ پھر ایک غار میں جمع ہو کر مستقبل میں داعیانہ کردار ادا کرنے اور وقت کے طاغوت سے دو دو ہاتھ کرنے کی پلاننگ کر رہے ہیں پھر اللہ تعالیٰ کے لطف و کرم کی جو بارش ہوئی وہ آپ بخوبی جانتے ہیں اور تو اور اللہ تعالیٰ نے اپنے ان چند بندوں کی خاطر سورج کا دائمی روٹ تک تبدیل کر دیا اندازہ کریں اللہ تعالیٰ کو ایسے بندوں سے کتنا پیار ہے !؟ اس لیے اس حدیث میں رسول اکرم صلی اللہ علیہ وسلم نے فطوبی للغرباء. کہہ کر عظیم بشارت دی ۔ طوبیٰ کیا ہے؟ طوبی جنت کا نام ہے اور مسند احمد اور ابن حبان میں ابو سعید الخدری رضی اللہ عنہ کی مرفوع روایت کے مطابق یہ جنت کا ایک درخت ہے جس کا پھیلا ؤ سو سال کی مسافت کے بقدر ہے اس درخت سے اہل جنت کا لباس تیا ر ہوا کرے گا۔[1] اللہ کے مقبول بندوں کی شان صحیحین کی ایک طویل حدیث میں ایسے بندوں کی شان یو ں مذکور ہے ۔ (۔۔۔۔ان استأذن لم یوذن لہ و إن شفع لم یشفع لو اقسم علی اللہ لابرہ)[2] یعنی یہ لوگ معاشرے کی نظر میں اتنے حقیر اور بے قدر ہوتے ہیں کہ کہیں داخل ہونے کی اجازت چاہیں تو انہیں اجازت نہیں ملتی کسی کی سفارش کر دیں تو ان کی سفارش قبول نہیں |
| Book Name | خطبات |
| Writer | فضیلۃ الشیخ عبداللہ ناصر رحمانی |
| Publisher | جمعیت اہل حدیث سندہ |
| Publish Year | |
| Translator | |
| Volume | ایک جلد |
| Number of Pages | 366 |
| Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |