| اللہ تعالیٰ نےفرمایا: [وَّاتَّبِــعْ سَبِيْلَ مَنْ اَنَابَ اِلَيَّ ][1] اور ان لوگوں کے راستہ کی اتباع کہ جو میری طرف رجوع کرتے ہیں ۔ اور اس امت میں انابت کے رتبہ کی چوٹی پر محمد صلی اللہ علیہ وسلم اور ان کے صحابہ قائم ہیں۔ اتباع کی حقیقت نبی اکرم صلی اللہ علیہ وسلم کی اتباع کی حقیقت بعینہ وہی ہے جو توحید باری تعالیٰ کی ہے یعنی جس طرح عقیدہ توحید نفی واثبات کے اجتماع سے عبارت ہے یعنی ایک اللہ کومعبود ماننا اور تمام معبودانِ باطلہ کا انکارکرنا اسی طرح اتباع کے میدان میں یہ ضروری ہے کہ صرف محمد رسول اللہ صلی اللہ علیہ وسلم کی پیروی ہو اور باقی تمام کی پیروی سے بچنا اورمکمل احترازکرنا۔ عقیدہ توحید میں نفی واثبات کے اجتماع کے ضروری ہونے کی دلیل اللہ تعالیٰ کافرمان ہے: [فَمَنْ يَّكْفُرْ بِالطَّاغُوْتِ وَيُؤْمِنْۢ بِاللہِ فَقَدِ اسْتَمْسَكَ بِالْعُرْوَۃِ الْوُثْقٰى۰ۤ لَاانْفِصَامَ لَہَا۰ۭ][2] ترجمہ: جوہرطاغوت کا انکار کرے اور ایک اللہ پر ایمان لے آئے اس نے ایسا مضبوط سہارا تھام لیا جوکبھی ٹوٹ نہیں سکے گا۔ اس آیت کی تفسیر میں رسول اللہ صلی اللہ علیہ وسلم کی یہ حدیث ہے: |
| Book Name | خطبات |
| Writer | فضیلۃ الشیخ عبداللہ ناصر رحمانی |
| Publisher | جمعیت اہل حدیث سندہ |
| Publish Year | |
| Translator | |
| Volume | ایک جلد |
| Number of Pages | 366 |
| Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |