| کے گناه دور کر دیئے اور ان کے حال کی اصلاح کر دی ۔ [وَاَنْزَلَ اللہُ عَلَيْكَ الْكِتٰبَ وَالْحِكْمَۃَ][1] یعنی :محمد صلی اللہ علیہ وسلم پر قرآن وحدیث نازل ہواہے۔ توقرآن وحدیث ماننے والوں کے اللہ تعالیٰ تمام گناہ معاف فرمادیتاہے اور ان کے تمام کام بنا اورسنواردیتاہے۔ ہماری پستی اور انحطاط کے اسباب مگر آج ہم اپنا معاملہ اس سے بالکل برعکس ومختلف پاتے ہیں، آج ہم ہر طرف سے دبائے جارےہیں، پستی اورغفلت کی حدوں کوچھونے کی کوشش کررہے ہیں، دعوت وجہاد کا عمل غیر موثر ہوتاجارہا ہے ،اخلاقی انحطاط کا شکار ہوچکے ہیں ،میں سمجھتاہوں کہ تمسک بالکتاب والسنۃ اور اعتصام بحبل اللہ میں کہیں نہ کہیں جھول آگیا ہے ،ہمارے رگ وریشہ میں یقینا کوئی ایسا مرض سرایت کرگیاہے جو ہمارے تعلق بالقرآن والحدیث کوکمزور بناکراللہ تعالیٰ کی ناراضگی کا موجب بن چکا ہے ،اس مرض کی تشخیص و تعین ضروری ہے ،تاکہ اس کاعلاج کیاجاسکے ورنہ بصورت دیگر وہ مرض ناسوربن کر ہماری بربادی کا پیغام بن سکتا ہے ،والعیاذ باللہ۔ تشخیص مرض مرض کی تشخیص وتعین سے قبل ایک نکتہ پر اتفاق ضروری ہےاور وہ یہ ہے کہ کونسی تشخیص معتبر ہوگی؟ ایک تشخیص وہ ہے جو میں یاآپ کرتے ہیں اور دوسری تشخیص وہ ہے جواللہ تعالیٰ |
| Book Name | خطبات |
| Writer | فضیلۃ الشیخ عبداللہ ناصر رحمانی |
| Publisher | جمعیت اہل حدیث سندہ |
| Publish Year | |
| Translator | |
| Volume | ایک جلد |
| Number of Pages | 366 |
| Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |