Maktaba Wahhabi

489 - 668

کی کثرت ہو جائے گی اور علم اٹھ جائے گا۔[1] یہ حادثہ دنیا کے خاتمے اور قیامت کے قریب ہو گا، جب کہ ہر برائی میں ترقی ہو جائے گی تو خدا تعالیٰ قرآن مجید کو اپنی حفاظت میں لے گا۔ اس حفاظتِ الٰہیہ کو تحریفِ قرآن کی سند بنا کر پیش کرنا اور عوام کو دھوکا دینا سراسر حماقت اور تعصب نہیں ہے تو اور کیا ہے؟ تفسیری احادیث کی نوعیت: اگرچہ ایسی احادیث خدا کی وحی تھی، تاہم قرآن نہ تھیں ۔ پھر بعض تو ان میں سے قرآن کی طرح حفظ کرائی جاتی تھیں ، پھر ضرورت کے بعد گم ہو جاتی تھیں اور بعض ان میں سے اب بھی قرآن کی تفسیر ہیں ۔ نیز ان میں قرآن جیسا اسلوبِ بیان بھی نہیں ہے۔ اگر یہ احادیث جزوِ قرآن ہوتیں تو رسول اللہ صلی اللہ علیہ وسلم خود یا صحابہ کرام رضی اللہ عنہم ان کو بھی کبھی جہری نماز میں پڑھتے، حالانکہ کسی صحیح حدیث سے اس بات کا ثبوت نہیں ملتا کہ کبھی کسی صحابی نے ان کو نماز میں پڑھا ہو۔ پھر جن صحابہ رضی اللہ عنہم سے یہ احادیث مروی ہیں ، جب ان کی موجودگی میں قرآن جمع ہو رہا تھا تو تمام صحابہ رضی اللہ عنہم سب سے پہلے حضرت ابوبکر صدیق رضی اللہ عنہ اور ان کے بعد سیدنا عمر فاروق رضی اللہ عنہ اور سیدنا عثمان رضی اللہ عنہ کی خدمت میں درخواست کرتے کہ یہ قرآن کی آیات ہیں ، آپ ان کو کیوں چھوڑ رہے ہیں ؟ آپ کو یہ آیات قرآن میں شامل کرنا چاہیے۔ لیکن صحابہ رضی اللہ عنہم میں سے کسی ایک نے بھی ایسا نہیں کیا اور نہ کسی سے ایسا امر واقع ہوا۔ پھر لطف کی بات یہ ہے کہ صحابہ خلفا کے بعد بھی بہت عرصہ زندہ رہے ہیں ، جیسا کہ کتبِ رجال سے ظاہر ہے، پس مذکورہ بالا سوالب سے نتیجہ بھی سالبہ ہی نکلتا ہے کہ یہ احادیث ہر گز جزوِ قرآن نہیں تھیں اور نہ یہ صحیح حدیث کا حکم رکھتی ہیں اور جو ان میں سے ضعیف ہیں ، وہ ساقط الاعتبار ہیں ۔ قرآن مجید سات قراء توں میں : پھر اس کے علاوہ حدیثوں میں جو یہ مذکور ہے کہ قرآن سات قراء توں میں نازل ہوا ہے تو وہ محققین کے قول کے مطابق ایسی ہیں ، جن سے الفاظ میں کوئی تغیر و تبدل نہیں ہوتا۔ البتہ حرکات اور سکنات وغیرہ اعراب میں قدرے تبدیلی پیدا ہوتی ہے۔ وہ مندرجہ ذیل قراء تیں اب بھی متنِ قرآن میں شامل ہیں :