Maktaba Wahhabi

57 - 630
پہلا مقالہ:حسن لغیرہٖ الحمد للّٰه رب العالمین، والصلاۃ والسلام علی إمام الأنبیاء محمد المصطفیٰ صلی اللّٰه علیہ وسلم، وعلیٰ آلہ وصحبہ ومن تبعھم بإحسان إلی یوم الدین، أما بعد: محدثین نے راویان کی ثقاہت اور دیگر قرائن کے پیشِ نظر مقبول حدیث کے چار درجات بنائے ہیں۔ جنھیں درج ذیل صورتوں میں منقسم کیا جاتا ہے: 1. صحیح لذاتہ۔ 2. حسن لذاتہ۔ 3. صحیح لغیرہ۔4. حسن لغیرہ۔ صحیح لذاتہ وہ حدیث ہے جس کی سند متصل ہو، راوی عادل و ضابط ہوں، ایسے رواۃ ابتدائے سند سے آخرِ سند تک ہوں، وہ حدیث علتِ قادحۃ سے معلول ہو اور نہ وہ شاذ ہو۔ حسن لذاتہ کے راوی یا راویان کا حافظہ صحیح لذاتہ کے راویان سے خفیف ہوتا ہے، باقی شروط اس میں صحیح لذاتہ والی ہیں۔ صحیح لغیرہ وہ حسن لذاتہ حدیث ہے جس کی دوسری سند اس جیسی یا اس سے مضبوط ہو۔ حسن لغیرہ کی دو صورتیں ہیں: 1. ضعیف حدیث کی ایک سے زائد سندیں ہوں، ان میں سببِ ضعف راوی کا
Flag Counter