جانب حلال

اَکلِ حرام توکّل کے منافی ہے

حرام کی طرف انسان اُس وقت راغب ہوتا ہے جب وہ سمجھتا ہے کہ صرف حلال سے میں اپنا اور اپنے بیوی بچوں کا پیٹ نہیں پال سکتا ہے چونکہ مہنگائی ہے اور صرف حلال سے یہ سب پورا نہیں پڑتا اور یہ سوچ نہ صرف توکل باللہ کے منافی ہے بلکہ شرک کی حد تک پہنچ جاتی ہے جس کے معنی یہ ہیں کہ اپنے گھریلو اخراجات میں پورے کرتا ہوں اپنے بچوں کا پیٹ میں پالتا ہوں جبکہ ارشاد باری ہے:

﴿نَّحْنُ نَرْزُقُهُمْ وَإِيَّاكُمْ﴾[1]

”تمھیں بھی ہم روزی دیتے ہیں اور تمہارے آنے والے بچوں کو بھی ہم روزی دیں گے۔“

انسان جب یہ سوچ لیتا ہے کہ صرف حلال سے پوری کیسے پڑے گی؟تو یہ سوچ بھی عدم توکل کا نتیجہ ہی ہے چونکہ وہ اپنے تک یہ سمجھ لیتا ہے کہ میرے زیر کفالت افراد کی روزی کا میں خودذمہ دار ہوں حالانکہ ارشاد باری تعالیٰ ہے:

1۔﴿وَمَا مِن دَابَّةٍ فِي الْأَرْضِ إِلَّا عَلَى اللّٰهِ رِزْقُهَا﴾[2]

”زمین پر چلنے پھرنے والے جانوروں کی روزی بھی اللہ جل جلالہ ہی کے ذمہ ہے۔

2۔﴿إِنَّ اللّٰهَ هُوَ الرَّزَّاقُ ذُو الْقُوَّةِ الْمَتِينُ﴾[3]

”بے شک اللہ جل جلالہ ہی سب کو روزی دینے والا اور مضبوط طاقت کا مالک ہے۔‘‘