فکر و عقیدہ کی گمراہیاں اور صراط مستقیم کے تقاضے

فصل 24

رسالتِ محمدیہ کا اولین مقصد

اللہ تعالیٰ نے رسول اللہ صلی اللہ علیہ وسلم کو توحید کے اثبات وقیام اور ہر لحاظ سے ابطال شرک کے لیے بھیجا اور عام بول چال میں بھی یہ بات ناپسند فرمائی کہ اللہ تعالیٰ کے نام کے ساتھ کسی دوسرے کا ذکر کیا جائے۔ چنانچہ آپ نے فرمایا: ’’کوئی یہ نہ کہے کہ ’’مَاشَائَ اللّٰہُ وَشَائَ مُحَمَّدٌ‘‘ ’’ اللہ جو چاہے اورجو محمد( صلی اللہ علیہ وسلم ) چاہیں۔‘‘ بلکہ یوں کہنا چاہیے کہ ’’مَاشَائَ اللّٰہُ ثُمَّ شَائَ مُحَمَّدٌ ‘‘ ’’اللہ جو چاہے پھر اس کے بعدجو محمد( صلی اللہ علیہ وسلم ) چاہیں۔‘‘[1]

ایک شخص نے آپ سے کہا کہ مَاشَائَ اللّٰہُ وَشِئْتَ ’’ جو اللہ چاہے اورجو آپ چاہیں۔‘‘ آپ نے اسے یہ کہنے سے منع کیا اور فرمایا: ’’کیا تو مجھے اللہ کا شریک بناتا ہے بلکہ یہ کہو کہ جو کچھ اللہ تعالیٰ چاہے۔‘‘ [2]

جملہ عبادتیں جو اللہ نے بتائی ہیں سراسر اسی ذات الٰہی کے لیے ہیں کیونکہ دین صرف اسی کے لیے خالص ہونا چاہیے۔ چنانچہ فرمایا:

﴿ وَمَا أُمِرُوا إِلَّا لِيَعْبُدُوا اللّٰهَ مُخْلِصِينَ لَهُ الدِّينَ حُنَفَاءَ وَيُقِيمُوا الصَّلَاةَ وَيُؤْتُوا الزَّكَاةَ ۚ وَذَٰلِكَ دِينُ الْقَيِّمَةِ﴾