پیغمبر اسلام اور بنیادی انسانی حقوق

حق تعلم

اسلام نے ہر شخص کو اس بات کا حق دیا ہے کہ دین اور دنیا کے ہر ایک امر کی بابت تحقیق کرے اور اس کو سیکھے جو اس کے لیے نفع اور فائدہ کا باعث ہو، بلکہ اسلام نے تو علم سیکھنے کو فرض قرار دیا۔ چنانچہ حدیث میں ہے:

(طلب العلم فريضة علي كل مسلم) (رواہ ابن ماجہ، رقم: 229)

"علم کا حاصل کرنا ہر مسلمان پر فرض ہے۔"

اور لفظ مسلم میں مرد اور عورت دونوں شامل ہیں بلکہ بعض روایات میں "مسلمۃ" کا لفظ بھی آیا ہے۔

علم کی مدح:

اللہ سبحانہ و تعالیٰ نے قرآن حکیم میں علم اور علماء کی مدح اور تعریف فرمائی ہے۔چنانچہ فرمایا:

(قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ ۗ) (زمر: 9)

"آپ کہیئے کیا علم والے اور بے علم برابر ہو سکتے ہیں۔"

ایک اور مقام پر حق تعالیٰ شانہ نے فرمایا:

(إِنَّمَا يَخْشَى اللّٰهَ مِنْ عِبَادِهِ الْعُلَمَاءُ ۗ) (فاطر: 28)

"اللہ کے بندوں میں سے صرف علماء ہی اللہ سے ڈرتے ہیں۔"

علم کی فضیلت اور علماء کی مدح میں اور بھی بہت سی آیات قرآن حکیم میں موجود