|
مقابلے میں مولانا احمد اﷲ صاحب کا مشاہرہ تقریباً سو روپے تھا اور میرے داخلے سے پہلے مولانا غلام یحییٰ کانپوری کا مشاہرہ ایک سو پچیس روپے تھا۔ باقی دوسرے مدرسین کی تنخواہیں ساٹھ یا ستر روپے سے زیادہ نہ تھیں ۔‘‘[1]
مولانا عبد الرؤف رحمانی رحمہ اللہ لکھتے ہیں :
’’میری تعلیم وتدریس کا زمانہ دار الحدیث رحمانیہ دہلی سے شروع ہوا۔ میں وہاں سے ۲۲ برس کی عمر میں فارغ ہوا اور معاً بعد ۲۳ برس کی عمر میں اسی میں مدرس مقرر ہوا، اس وقت میری تنخواہ تیس روپے ماہوار تھی، اس زمانے میں بڑے بڑے علما کی بھی تنخواہ سو روپے سے زائد نہ تھی۔۔۔۔‘‘[2]
سابقہ صفحات میں مولانا رحمانی کایہ بیان بھی گزر چکا ہے:
’’ میرے پڑھانے کے زمانے میں مولانا عبدالسلام صاحب درانی کا انتقال ہوچکا تھا، ان کی جگہ پر سو روپے ماہوار پر کئی ولایتی مولانا یکے بعد دیگرے آئے۔‘‘[3]
یادگار مجلہ میں ہے کہ ’’اساتذہ کے مشاہرے نہایت معقول تھے۔ صدر المدرسین کا مشاہرہ سو روپے ماہانہ تھا۔‘‘[4]
بعض اساتذہ کے اسماے گرامی:
سطورِ ذیل میں مختلف مراجع سے دستیاب اساتذہ رحمانیہ کے اسمائے گرامی بطور نمونہ ذکر کیے جاتے ہیں :
|