|
ہوتا گیا۔ فقدانِ بصر سے انہیں متعدد فوائد حاصل ہوئے جن میں سے صرف چار کا تذکرہ مناسب معلوم ہوتا ہے:
1۔اللہ تعالیٰ سے اجر و ثواب (جنت)کے حقدار ہوئے:
صحیح بخاری میں ایک حدیثِ قدسی میں اللہ تعالیٰ کا ارشاد ہے :
(( اِذَا ابَتَلَیْتُ عَبْدِيْ بِفَقْدِ حَبِیْبَتَیْہِ عَوَّضْتُہُمَا الْجَنَّۃَ)) [1]
’’جب میں اپنے کسی بندے کو (دونوں آنکھوں کی) بینائی کے فقدان سے آزماتا ہوں تو اسے اس کے عوض میں جنت کا حقدار بنا دیتا ہوں۔‘‘
2۔بے پناہ حافظہ :
ان کی قوتِ حفظ اور دانش و ذکاء میں بہت اضافہ ہوگیا یہاں تک کہ اگر آپ اُن سے کسی حدیث کے بارے میں پوچھیں اور وہ صحیحین و سُننِ اربعہ اور مسند احمد کی حدیث ہو تو عموماً اس حدیث کی سند و متن، اس کے رجال، ان کے بارے میں ماہرینِ فن کاکلام اور اس کی شرح سب انہیں مستحضر و ازبر ہوتی تھی۔[2]
3۔ز ہد و ورع :
دنیا کی رونقوں،زینتوں اور فتنوں سے بچ گئے اور اللہ نے انہیں انتہائی عابد و زاہد بنا دیا، انکساری و تواضع اور آخرت کی زندگی کی طرف انتہائی زیادہ توجہ ہوگئی۔
4۔نو رِ قلب:
اللہ نے انہیں نورِ چشم کی بجائے نورِ قلب سے نواز دیا، علم کی محبت اور سنّت
|