| (3۔ سرائیکی) ہِک وِہاگی لیکھک، مولانا محمد اسحاق بھٹی رحمہ اللہ لکھت: جناب الیاس فاروقی۔ احمد پور شرقیہ جڈاں جڈاں انسانیت آپنی فطرت کنوں تِھڈک، جہالت دے اندھاریاں وچ غوتے وات آئی تاں رب العالمین آپنی مخلوق دے سدھام کیتے انبیائے کرام علیہم السلام کوں مبعوث فرمایا، تے ایہہ سلسلہ نبی آخرالزماں حضرت محمد صلی اللہ علیہ وسلم تے توڑ پُنّاں ۔ انھیں کوں قیامت تئیں کیتے دینِ فطرت ڈے کراہیں نبوت دا در بند کر ڈتا۔ ایں دینِ متین دی رَکھّی دا ذمہ اللہ سئیں آپ گھِن گھدا، کیوں جو ایہہ سمورا دین قیامت تئیں آون آلی انسانیت کیتے امن تے سلامتی دا ضامن ھِ۔ دینِ اسلام دی حقانیت دا ایہہ کھُلا پَدھرا ثبوت ئِ جو جڈاں وی اسلام دے دشمنیں ایندے دستور کوں رَلوڑ کرن، تے ایندی اصلیت کوں مٹاون کیتے تن ماریا، تاں رب سچّے آپنے ایجھے بانھیں پیدا کر ڈتے جہڑے اسلام دی مُنڈھ لاء دی اصلی شکل کوں سَینکا کرن دے نال نال انہاں فتنیاں دا سِر داپھ کراہیں اللہ دی مخلوق کوں چِتویندے رہ گن۔ ایہہ کار پِچھوال کنوں گھِن کراہیں اَجوکے دور تئیں لگی کھڑی ء، تے قیامت تئیں ایہہ راند ٹُردی راہسی۔ ایجھیں گُنڑیں آلے لوکیں دی گِن ویتر کروں تاں ہُن تئیں ڈو چارنی ہزاراں لکھاں بندے ایجھے ہِن جنھیں کنوں اللہ آپنے دین دی خدمت دا کم گھدے۔ گُزریل پنجھاکے(۵۰ سال)تے دید بھَنواوٗں تاں ساکوں ڈھیر سارے اللہ دے نیک بانھیں دی تندیر ڈِسدی ئِ جنھاں دین دی خاطر آپنیاں حیاتیاں کھپا ڈِتن، انھیں وِچوں ہِک نِشابُر ناں مولانا محمد اسحاق بھٹی رحمہ اللہ داوی ھِ۔ مولانا محمد اسحاق بھٹی رحمہ اللہ ، ریاست فرید کوٹ دے علاقے کوٹ کپورہ وچ ۱۵؍ مارچ ۱۹۲۵ء کوں عبدالمجید دے گھر جمے، کجھ چوکھے تھئے تاں آپنے ڈاڈے سئیں میاں محمد کنوں قرآنِ مجید پڑھیا۔ انھیں دے ڈاڈا سئیں ہک دین دارتے متقی انسان ہَن، آپنے پوترے کوں قرآن پاک پڑھاون دے نال نال نماز کیتے آپنے نال مسیت گھِن ویندے ہَن، تے ایں طراحویں انھیں دی بَلپّن ء چ ای دینی تربیت تھئی۔ قرآن پاک مکمل کرا، ڈاڈے سئیں انھیں کوں مقامی پرائمری سکول ء چ پٹَھ ڈتا۔ اَجاں چوتھی جماعت ئِ چ ہَن جو ڈاڈے سئیں ، بھٹی صاحب کوں سکولوں کڈھ، مولانا محمد عطاء اللہ حنیف رحمہ اللہ ، جہڑے اوں ویلھے کوٹ کپورہ دی مقامی مسیت ء چ جمعہ پڑھیندے ہَن، کول پڑھن بلھا ڈتا۔ مولانا محمد عطاء اللہ حنیف رحمہ اللہ کولوں قرآن پاک دا ترجمہ پڑھیا، وَل قاضی سلیمان منصور پوری رحمہ اللہ |
| Book Name | ارمغان مورخ اہل حدیث مولانا محمد اسحاق بھٹی |
| Writer | حمید اللہ عزیز |
| Publisher | ادارہ تفہیم الاسلام احمدپورشرقیہ، بہاول پور/ دار ابی الطیب، گوجرانوالہ |
| Publish Year | مارچ 2016ء |
| Translator | |
| Volume | |
| Number of Pages | 924 |
| Introduction |