ارمغان مورخ اہل حدیث مولانا محمد اسحاق بھٹی

مولانا محمد اسحاق بھٹی سئیں رحمہ اللہ دا ادارہ ’’تفہیم الاسلام‘‘ نال گانڈھا:

مولانا محمد اسحاق بھٹی سئیں رحمہ اللہ ادارہ ’’تفہیم الاسلام‘‘ دی مجلسِ ادارت دے رُکن ہَن، ایہہ چھڑے ناں دے کائینا، بلکہ ایں مجلے کیتے آپنے تجربات دے سوجھلے وچ بہوں قیمتی مشورے تے صلاحیں ڈیندے رہندے ہَن، جَنڑوں کھُل تے ایندی سرپرستی فرمیندے ہَن۔ مجلہ ’’تفہیم الاسلام‘‘ دے نینگر ایڈیٹر سئیں حمید اللہ خان عزیز حفظاللہ ، نال بھٹی صاحب رحمہ اللہ دا یکّا گانڈھا رہ ویندا ہا۔ خان سئیں تے راقم کئی واری بھٹی صاحب رحمہ اللہ دی زیارت کیتے انھیں دی خدمت وچ حاضری ڈیون دے پروگرام سِترے، پَر راہندے رہ گیوسے۔ البتہ خان سئیں تاں کئی واری ایہہ سوبھ کھٹّی کھڑے ہَن۔ اونویں تاں بھٹی صاحب رحمہ اللہ نال راقم ڈو واری خان صاحب دے توسط نال فون تے گالھ کیتی ہئی، ڈوجھی واری انہاں دے چھیکڑی ڈینہاں ء چ گالھ کرن دی کوشش کیتی، پر حال حویلہ نہ تھی سگیا، کیوں جو اوں ویلھے انھیں دی سماعت کمزور تھی گئی ہئی، تے فون تے انھیں کوں کہیں دی گالھ پلے نہ پوندی ہئی، میں تاں انھیں دا حال حویلہ نہ پچھ سگیم، پر انہاں دیاں دعائیں جھٹیندا ریہم، دل آہدا ہئی جو او دعائیں ڈیندے رہن، تے میں سُندا رہاں ۔ ایہہ انہاں دی عادت ہئی، جو جہڑا وی نہیں نال ملاقات کرے ہا، یا فون تے رابطہ کرے ہا، دعائیں دے ڈھیر لا ڈیندے ہَن۔ اَج انھیں دا اَلاء سنن کیتے کَن سِک گِن۔

سئیں حمیداللہ خان عزیز، بھٹی صاحب رحمہ اللہ دے ڈو(۲)انٹرویو کیتے۔ پہلا انٹرویو ملتان دی سالانہ کانفرنس دے موقعے تے ۲؍ اپریل ۲۰۱۱ء کوں سئیں حافظ ریاض احمد عاقب دے دولت خانے تے کیتا۔ ڈوجھے پھیری ۲۰۱۵ء وچ بھٹی صاحب رحمہ اللہ لیاقت پور ضلع رحیم یار خان تشریف گھن آئے، اوں ویلھے وی کوئی ایجھا سبب بنیا جو راقم نہ ونج سگیا، تے خان سئیں وقت دی کمی پاروں اُبالھے لیاقت پور روانہ تھی گے۔ اُتھاں انہاں بھٹی صاحب رحمہ اللہ دا تفصیلی انٹرویو کیتا۔ ایہہ ڈو نہیں انٹرویو ہک یادگار ہِن۔ ایں موقعے تے بھٹی صاحب رحمہ اللہ دا احمد پور شرقیہ آنون دا ڈاڈھا رُو ہا، تے انہاں فرمایا: میں احمد پور جُلداں تے خاص طور تے شیخ الاسلام العلامہ ابو محمد عبدالحق الہاشمی محدث مکی رحمہ اللہ انھیں دے عظیم علمی جانشین علامہ عبدالرزاق فاروقی محدث احمدپوری رحمہ اللہ دی باقیات ڈیکھن چاہنداں ، نال ای انھیں دی اولاد نال ملاقات وی کر گھِنساں ۔ پَر انھیں دے ساتھیاں کوں پِچھوں تے وَلّن دی اُبالھ ہئی تے او راہ ماری کر گئے۔ بھٹی صاحب رحمہ اللہ نے فرمایا: ایں پھیری چُک پئے ہیں ، بئے پھیری سپیشل احمد پور آساں ۔

جیوے ہووے حمیداللہ خان عزیز، ماہنامہ ’’تفہیم الاسلام‘‘ دی شروعات اپریل ۲۰۰۲ء وچ مولانا سئیں عبدالرزاق سلفی عنایت پوری مرحوم، سابق امیرمرکزی جمعیت اہلِ حدیث ضلع بہاول پوردی معاونت نال کیتی۔ ایندی خاص وجہ ایہ ہئی، جو سرائیکی وسیب وچ کوئی ایہو جیہاں باقاعدہ ادارہ کائنا ہا، جہڑا خالص کتاب و سنت دی اشاعت کیتے آہر کرے۔ مولانا عبدالرزاق سلفی رحمہ اللہ دی وفات دے بعد خان سئیں حفظہ اللہ کلھے آپنے سِرتے بارا چاتا، وسائل منڈھوں نہ ہوون سبب، اَج تئیں ایں ادارے کوں باقاعدہ کوئی دفتر وی نصیب نی تھیا۔ خان صاحب دی بیٹھک،