| تارکِ قرآن ہو کر ایک خاتون کہتی ہیں کہ میں حرمِ مکی میں خواتین کے لیے مخصوص جگہ پر بیٹھی تھی کہ ایک عورت نے میرے کندھے کو تھپتھپایا اور عجمی لہجہ میں کہنا شروع کیا: اے حاجن! اے حاجن! میں اس کی طرف متوجہ ہوئی توکیا دیکھتی ہوں کہ ایک درمیانی عمر کی عورت ہے۔میرا ظنِ غالب ہے کہ وہ ترکی نژاد تھی۔اس نے مجھے سلام کیا۔میرے دل میں فوراً اس کے لیے جذباتِ محبت نے جنم لے لیا۔سبحان اللہ! یہ روحیں بھی اللہ کے لشکر ہیں۔دلوں کو دلوں تک راہ ہوتی ہے۔ وہ مجھے کچھ کہنا چاہتی تھی اور اپنا ما فی الضمیرادا کرنے کے لیے کلمات و الفاظ جمع کر رہی تھی۔اس نے میرے ہاتھ میں موجود قرآنِ کریم کی طرف اشارہ کیا اور پھر ٹوٹی پھوٹی عربی زبان میں کہا:تم قرآن پڑھ لیتی ہو؟ میں نے کہا:ہاں۔اتنا سننا تھا کہ اس عورت کا چہرہ خوشی سے سرخ ہوگیا اور اس کی آنکھیں آنسوؤں سے ڈب ڈبا گئیں۔مجھے اس منظر نے گھبراہٹ میں مبتلا کردیا۔وہ خاتون رونا شروع ہوگئی۔ میں نے اس سے پوچھا: |