نبی صلی اللہ علیہ وسلم کا ارشادِ مبارک ہے:
’’پناہ مانگنے کی دعاؤں میں سب سے بہتر دعائیں معوذتین ہیں۔‘‘
7۔شیطانی وساوس سے بچنے کا علاج:
بعض احادیث سے پتا چلتا ہے کہ شیطانی خیالات اور وساوس سے بچنے کے لیے قرآنِ مجید کی بعض آیات پڑھنے کا اہتمام کرنا چاہیے۔مثلاً:
1۔ سنن ابو داود میں’’بِسْمِ اللّٰہِ الرَّحْمٰنِ الرَّحِیْم‘‘ کا ذکر آیا ہے۔
2۔ صحیح بخاری میں آیۃ الکرسی کا نسخہ موجود ہے۔(بخاری:۴/ ۴۸۷)
3۔ سورۃ المؤمنون کی آیت(۹۷،۹۸)میں اس نسخہ کے الفاظ یہ ہیں:{رَبِّ اَعُوْذُ بِکَ مِنْ ھَمَزٰتِ الشَّیٰطِینِ . وَاَعُوْذُ بِکَ رَبِّ اَنْ یَّحْضُرُوْنِ} یا پھر سنن ابو داود اور صحیح ابن خزیمہ میں وارد یہ تعوذ پڑھ لیا کریں:
((أَعُوْذُ بِاللّٰہِ مِنَ الشَّیْطَانِ الرَّجِیْمِ مِنْ ہَمْزِہٖ وَ نَفْخِہٖ وَ نَفْثِہٖ))
(سنن أبي داود:۷۷۵،ابن خزیمۃ:۴۶۷)
4۔ سنن ابو داود میں ہے کہ سورۂ اخلاص پڑھ کر اپنی بائیں جانب تین بار تھوکنا چاہیے۔
(سنن أبي داود،صحیح الجامع:۸۱۸۲)
5۔ سنن ترمذی،نسائی،ابن ماجہ اور الاحادیث المختارہ للضیاء المقدسی میں معوذتین پڑھنے کو باعثِ شفاء قرار دیا گیا ہے۔
(سنن الترمذي:۲/ ۱۶۸۱،صحیح الجامع:۴۹۰۲)
6۔ سنن ابو داود میں سورۃ الحدید کی آیت(۳)پڑھنے کی تجویز دی گئی ہے جو یہ ہے:
} ھُوَ الْاَوَّلُ وَالْاٰخِرُ وَالظَّاھِرُ وَالْبَاطِنُ وَھُوَ بِکُلِّ شَیْئٍ عَلِیْمٌ}[الحدید:۳](سنن أبي داود،أبواب النوم:۳/ ۴۲۶۲)
|