قرآن کی عظمتیں اور اس کے معجزے

قرآن کریم کی تلاوت کرنا

متعدد آیات کریمہ میں قرآن کریم کی تلاوت کرنے کے بارے میں حکم الٰہی صادر ہوا ہے۔ ان میں سے اللہ تعالیٰ کا ایک فرمان یہ ہے:

’’اور آپ اس کی تلاوت کیجیے جو کچھ آپ کے رب کی کتاب میں سے آپ کی طرف وحی کیا گیا ہے۔ اس کے کلمات کو کوئی بدلنے والا نہیں، اور آپ اس کے سوا کوئی جائے پناہ ہرگز نہیں پائیں گے۔‘‘[1]

اگرچہ اس آیت کریمہ میں ظاہری طور پر خطاب رسول اللہ صلی اللہ علیہ وسلم کی طرف ہے لیکن بعینہ آپ کے پیروکاروں کے لیے بھی یہی حکم ہے اور اس پر اللہ تعالیٰ کا یہ فرمان دلالت کرتا ہے:

’’چنانچہ اس (قرآن) میں سے جتنا آسان ہو پڑھو۔‘‘[2]