| اَلْاَمْرُ بِتَعَہُّدِ الْقُرَآنِ الْمَجِیْدِ لِمَنْ حَفِظَہٗ زبانی یادشدہ قرآن مجیدکی حفاظت کرنے کا حکم مسئلہ 121: زبانی یاد شدہ قرآن مجید کومسلسل یاد رکھنے کا اہتمام کرناواجب ہے۔ عَنْ اَبِیْ مُوْسٰی بْنِ عُقْبَۃَ رضی اللّٰه عنہ عَنِ النَّبِیِّ صلی اللّٰه علیہ وسلم قَالَ تَعَاہَدُوْا ہٰذَا الْقُرْآنَ فَوَالَّذِیْ نَفْسُ مُحَمَّدٍ بِیَدِہٖ لَہُوَ اَشَدُّ تَفَلُّتًا مِنَ الْاِبِلِ فِیْ عُقُلِہَا۔ رَوَاہُ مُسْلِمٌ[1] حضرت ابوموسیٰ بن عقبہ رضی اللہ عنہ سے روایت ہے کہ نبی اکرم صلی اللہ علیہ وسلم نے فرمایا’’قرآن کی حفاظت کرو اس ذات کی قسم!جس کے ہاتھ میں محمد صلی اللہ علیہ وسلم کی جان ہے کہ اونٹ کی نسبت قرآن اپنے بندھن سے جلدی بھاگتاہے۔‘‘اسے مسلم نے روایت کیاہے۔ عَنْ عَبْدِاللّٰہِ بِنْ عُمَرَ رَضِیَ اللّٰہُ عَنْہُمَا اَنَّ رَسُوْلَ اللّٰہِ صلی اللّٰه علیہ وسلم قَالَ (( اِنَّمَا مَثَلُ صَاحِبِ الْقُرْآنِ کَمَثَلِ الْاِبِلِ الْمُعََقَّلَۃِ اِنْ عَاہَدَ عَلَیْہَا اَمْسَکَہَا ، وَاِنْ اَطْلَقَہَا ذَہَبَتْ ))۔ رَوَاہُ مُسْلِمٌ[2] حضرت عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا’’قرآن یاد کرنے والے کی مثال ایسی ہے جیسے پاؤں سے باندھا ہوا اونٹ اگر اس کے مالک نے اس کی نگرانی کی تو موجود رہا،نہ کی تو بس نکل گیا۔‘‘اسے مسلم نے روایت کیاہے۔ وضاحت : اونٹ کا اگلا پاؤں اس کے زانو سے باندھ دیا جاتاہے تاکہ وہ چل نہ سکے،لیکن اونٹ کوشش کرکے تین پاؤں سے بھی چل پڑتا ہے۔ مسئلہ 122: قرآن مجید کی حفاظت کے لئے دن رات قرآن مجید پڑھتے رہناچاہئے۔ عَنِ ابْنِ عُمَرَ رَضِیَ اللّٰہُ عَنْہُمَا عَنِ النَّبِیِّ صلی اللّٰه علیہ وسلم (( وَاِذَا قَامَ صَاحِبُ الْقُرْآنِ فَقَرَاَہٗ بِاللَّیْلِ وَالنَّہَارِ وَاِذَا لَمْ یَقُمْ بِہٖ نَسِیَہٗ ))۔ رَوَاہُ مُسْلِمٌ[3] حضرت عبداللہ بن عمر رضی اللہ عنہما سے روایت ہے کہ آپ صلی اللہ علیہ وسلم نے فرمایا’’جب قرآن یاد کرنے والا کمر |