| آیات کے اسبابِ نزول مفسرین نے کہا ہے کہ رسول اللہ صلی اللہ علیہ وسلم نے معرکہ بدر سے دو ماہ پہلے جمادی الاخری میں عبداللہ بن جحش کو طائف بھیجا جبکہ آپ کو مدینہ آئے ہوئے 17 ماہ ہو چکے تھے۔ اور ان کے ساتھ مہاجرین کے آٹھ آدمیوں کے ایک گروہ کو بھی روانہ فرمایا۔ اور ان کے امیر عبداللہ بن جحش کے لیے ایک خط لکھا اور فرمایا: ’’اللہ کا نام لے کر چلو اور دو دن کی مسافت طے کرکے خط دیکھنا۔ سو جب تم دو منزلوں پر اتر جاؤ، پھر خط کھولنا اور اپنے ساتھیوں کو پڑھ کر سنانا، جس کا میں تمھیں حکم دوں اس کام کے لیے چل پڑنا اور اپنے ساتھیوں میں سے کسی کو اپنے ساتھ چلنے پر مجبور نہ کرنا۔‘‘ عبداللہ دو دن چلے، پھر ایک جگہ پڑاؤ کیا اور خط کھولا تو اس میں لکھا تھا: بسم اللّٰه الرحمٰن الرحيم اما بعد: ’’اپنے ساتھیوں میں سے جو تمھاری پیروی کریں ان کے ہمراہ اللہ کی برکت کے ساتھ چل پڑیں حتی کہ آپ وادیٔ نخلہ میں اتر کر قریش کے قافلے کی گھات میں بیٹھ جائیں شاید تم ان لوگوں کی طرف سے ہمارے پاس کوئی خیر کی خبر لاؤ۔‘‘[1] |