| اہلِ حق ہمیشہ ستائے گئے ہر زمانے اور ہر ملک کے لوگوں کا یہ طریقہ کار رہا ہے کہ وہ اپنے نیک اور مخلص لوگوں کے خلاف سازشیں کرتے آئے ہیں اور کلمۂ حق کہنے والوں کے راستے میں روڑے اٹکاتے رہے ہیں۔ انبیاء اور رسل بھی لوگوں کے اس رویے سے محفوظ نہیں رہے حتی کہ اولیاء اللہ اور متقین بھی اس عتاب کا شکار رہے۔ اور پھر ان عظیم لوگوں نے ان حالات کو کیسے برداشت کیا اور کتنی بہادری اور ایمان کا مظاہرہ کیا۔ تاریخ اس قسم کے واقعات سے بھری پڑی ہے، گویا یہ دستورِ کائنات اور قانونِ حیات ہے۔ رسول اللہ صلی اللہ علیہ وسلم کا فرمان ہے: ’’سب سے زیادہ آزمائشیں نبیوں پر آتی ہیں، ان کے بعد علماء پر، پھر صالحین پر۔‘‘ [1] اللہ تعالیٰ نے عیسیٰ علیہ السلام کی طرف وحی نازل کی: ’’نبی کی حرمت کا پاس اس کے اپنے شہر کے لوگ ہی نہیں کرتے۔‘‘ جب نبی لوگوں کو حق بات سے آگاہ کرتا ہے تو لوگ اس کے دشمن ہوجاتے ہیں اور اس کی عزت نہیں کرتے۔ امام بیہقی رحمہ اللہ نے بیان کیا ہے کہ کعب احبار نے ابو مسلم خولانی سے پوچھا: ’’تم اپنی |