| عام مسلمانوں کے حقوق (1) ایک حدیث میں رسول اکرم صلی اللہ علیہ وسلم نے فرمایا : ایک مسلمان پر دوسرے مسلمان کے چھ حقوق ہیں :(۱) جب ملاقات ہو تو سلام کرے (۲) جب دعو ت دے تو اسے قبول کرے (۳) نصیحت اور خیر خواہی کا طلب گار ہو تو اس کے ساتھ خیر خواہی کرے۔ (۴)جب چھینکے اور الحمدُ لِلّٰہ کہے تو اس کے جواب میں یَرْحَمُکَ اللّٰہُ کہے۔(۵)جب بیمار ہو تو اس کی عیادت کرے (۶) جب انتقال کر جائے تو اس کے جنازے میں شر کت کرے۔ [مسلم] (2) ایک حدیث میں آپ نے فر مایا : مسلمان مسلمان کا بھائی ہے ، وہ نہ تو اس پر ظلم کرے ،نہ اس کو ذلیل و خوارکرے اور نہ اسے حقیر جانے۔ [مسلم] (3) مسلمان کو گالی دیناگناہ اور اس سے لڑائی کر نا کفر کا کام ہے ۔ [بخار ی و مسلم] (4) کوئی شخص اس وقت تک مومن نہیں ہو سکتاجب تک اپنے بھائی کے لیے وہی نہ پسند کرے جو اپنے لیے پسند کر تا ہے ۔[بخاری ومسلم] (5) آپسی محبت اور شفقت ورحمت میں مسلمان ایک جسم کے مانند ہیں جس کے ایک عضو کو کچھ تکلیف ہوتی ہے تو پورا بدن بے خوابی اور بخار میں مبتلا ہو جاتا ہے ۔ [بخاری و مسلم] ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |