Maktaba Wahhabi

اسلام میں دولت کے مصارف

مؤلف: مولانا عبدالرحمٰن کیلانی رحمہ اللہ

ناشر: مکتبۃ السلام، لاہور

3۔ایک شخص بہت سی افتادہ زمین پر خط کھینچ کر یا دیوار کرکے یا کسی اور طرح حد بند کرکے زمین گھیر کر اس پر اس خیال سے قبضہ کر لیتا ہے کہ وہ اس کو آباد کرےگا مگر وہ تین سال تک اس زمین کو یا اس کے کچھ حصہ کو آباد نہیں کر سکا تو حکومت کو یہ حق حاصل ہے کہ وہ زمین جسے وہ آباد نہیں کر سکا اس سے واپس لے لے زمین کی آباد کاری کا مسئلہ محض افراد کا ہی مسئلہ نہیں حکومت کا بھی ہے۔حکومتیں اس معاملہ میں خاصی دلچسپی لیتی ہیں اور ہر وہ ذریعہ اختیار کرتی ہیں جس سے زمین جلد آباد ہو۔ اس سلسلہ میں حکومتیں کبھی تو کاشتکاروں کو بالکل مفت زمین اس شرط پردے دیتی ہیں کہ اتنے سال کے اندر اندر زمین کی آباد کاری لازمی ہے۔ کبھی برائے نام قیمت لے کر، بلکہ کبھی اپنے پاس سے قرضے بھی دے کر ہر حکومت حاجتمندوں کوآسان شرائط کے تحت آبادکاری کے لیے افتادہ زمین مہیا کرتی ہے۔ اس طرح افراد اور حکومت دونوں ہی اس آبادکاری سے مستفید ہوتےہیں۔ زمین کے عطیہ کی دوسری شکل کسی فرد کی خدمات کاصلہ ہے ۔ یہ زمین افتادہ بھی ہوسکتی ہے، آباد شدہ بھی اور سکنی یعنی برائے تعمیرمکان بھی جیسا کہ خود رسول اکرم صلی اللہ علیہ وسلم نےاور آپ صلی اللہ علیہ وسلم کے بعد خلفائے راشدین نے بعض صحابہ کرام رضی اللہ عنہم کی اسلامی خدمات کے عوض اور ان کی احتیاج کو ملحوظ رکھتے ہوئے انہیں عطا کیں۔ احتیاج کو ملحوظ رکھنے کا ذکر اس لحاظ سے ضروری ہے کہ حضرت عثمان رضی اللہ عنہ کی اسلامی خدمات بے شمار ہونے کے باوجود بھی رسول اللہ صلی اللہ علیہ وسلم نےآپ کو کوئی قطعہ زمین عطا نہیں فرمایا اور جس وقت آپ صلی اللہ علیہ وسلم نے حضرت عبدالرحمان بن عوف رضی اللہ عنہ یا حضرت زبیر بن عوام رضی اللہ عنہ کو زمین کے قطعات
x
صفحہعنوان
6عرض ناشر
13نماز کی مثال:
13حالت کے لحاظ سے مراعات:
14کم استعداد والوں کے لیے مراعات:
14زیادہ استعداد والوں کے لیے ترغیبات:
16ترغیبات کی حد
19زکوٰۃ کی مثال:
19واجبی صدقات:
20اختیاری صدقات:
21صدقات کا بلند ترین درجہ:
23صدقہ کی آخری حد:
26فاضلہ دولت یا اکتناز کے حق میں دلائل
261۔آیہ اکتناز اور حضرت عمررضی اللہ عنہ کا استفسار:
282۔دوسری دلیل: احکام میراث:
293: ارکانِ اسلام کی بجا آوری:
294: عورتوں کا مہر:
305۔دولت مندی بشرط تقویٰ:
30تعامل صحابہ کرام رضی اللہ عنہم
301۔ حضرت عبدالرحمان بن عوف رضی اللہ عنہ (م31ھ)
322۔ حضرت زبیر بن عوام رضی اللہ عنہ م36ھ:
343۔ حضرت طلحہ بن عبیداللہ رضی اللہ عنہ۔م36ھ:
354۔ حضرت عثمان بن عفان رضی اللہ عنہ۔ م۔ 35ھ
37 اکتناز دولت کے عدم جواز کے دلائل
371۔ آیہ اکتناز اور اختلاف صحابہ رضی اللہ تعالیٰ عنہم:
382۔ قرآن کا انداز بیان
393۔ انفاق فی سبیل اللہ کے تاکیدی احکام:
394۔  رسول اللہ صلی اللہ علیہ وسلم کے لیے اللہ تعالیٰ کی ہدایت:
405: ضرورت سے زائد مال: 
40رسول اللہ صلی اللہ علیہ وسلم کے ارشادات
43اسوہ حسنہ
50امہات المومنین کا کردار:
51خلفائے راشدین اور فاضلہ دولت
542۔ حضرت عمر فاروق رضی اللہ عنہ :
573۔ حضرت علی رضی اللہ عنہ (م40ھ؁)
584۔حضرت عمر بن عبدالعزیز (م 101؁ ھ)
60تعامل صحابہ رضی اللہ تعالیٰ عنھم
60ابوذر غفاری رضی اللہ تعالیٰ عنہ م 33ھ؁:
64نتائج:
66دور نبوی صلی اللہ علیہ وسلم میں معیشت
70آسودگی کا دور
70۱۔افراط زر:
76حضرت عمررضی اللہ تعالی عنہ کےمقررکردہ وظائف
85زرخرید زمین:
86جاگیر بطور عطایا:
88بنجر زمین کی آبادکاری:
89 آباد کاری کے اصول:
91ناجائزجاگیروں کی واپسی:
91غیرآباد جاگیروں کی واپسی:
94مزارعت
94جواز مزارعت والی روایات:
94زمین سے استفادہ کی مختلف صورتیں:
98عدم جواز مزارعت کی احادیث
99حضرت جابر بن عبداللہ انصاری رضی اللہ عنہ کی مرویات
101رافع رضی اللہ تعالی عنہ بن خدیج کےمرویات:
108عدم جواز مزارعت کی توجیہات
108توجیہ نمبر 1۔ ناجائز شرائط:
109تنقید:
110توجیہ نمبر2: مزارعت میں جھگڑا:
110تنقید:
111تطبیقات
111حضرت عبداللہ بن عباس رضی اللہ تعالیٰ عن کی تطبیق:
118تطبیق کی نئی صورتیں:
121ایک اہم سوال؟
Flag Counter