Maktaba Wahhabi

دعا کے مسائل

مؤلف: محمد اقبال کیلانی

ناشر: حدیث پبلیکیشنز

آیت نمبر83) اللہ تعالیٰ نے حضرت ایوب علیہ السلام کی دعا قبول فرمائی اور صحت سے نوازا۔ انبیاء کرام اور اہل ایمان پر دعوت حق کے راستے میں بڑی بڑی کٹھن آزمائشیں اور صعوبتیں آئیں۔ قوم کے لوگوں نے کسی کو قتل کرنا چاہا، کسی کو سنگسار کرنا چاہا، کسی کو جلاوطن کرنا چاہا، کسی کو قید کرنا چاہا، کسی کے ہاتھ کاٹنے چاہے، تب اہل ایمان نے ظالموں کے مقابلے میں اللہ سے مدد اور نصرت کی دعا کی تو اللہ نے انہیں ظالموں سے نجات دلائی۔حضرت لوط علیہ السلام نے قوم کو توحید کی دعوت دی اور بدکاری سے روکا۔قوم نہ مانی اور حضرت لوط علیہ السلام کو جلاوطن کرنا چاہا۔فرشتے خوبصورت لڑکوں کی شکل میں عذاب لے کر آئے، تب حضرت لوط علیہ السلام نے اللہ سے دعا کی۔ ﴿رَبِّ نَجِّنِیْ وَاَھْلِیْ مِمَّا یَعْمَلُوْنَ﴾(169:26) ’’اے میرے رب! مجھے اور میرے اہل و عیال(یعنی میرے پیروکاروں)کو قوم کی بدکرداریوں سے نجات دے۔‘‘(سورۃ الشعراء، آیت نمبر169) اللہ تعالیٰ نے حضرت لوط علیہ السلام کو ان کے اہل و عیال سمیت نجات عطا فرمائی۔فرعون کے دربارمیں حضرت موسیٰ علیہ السلام اور جادوگروں کے درمیان مقابلہ ہوا۔جادوگر شکست کھا گئے اور حقیقت معلوم ہوتے ہی جادوگر حضرت موسیٰ علیہ السلام پر ایمان لے آئے۔فرعون نے انہیں دھمکی دی کہ میں تمہارے ہاتھ پاؤں مخالف سمتوں سے کٹوا دوں گا اور تم سب کو سولی پر لٹکا دوں گا۔ تب جادوگروں نے اللہ کے حضور دعا کی ﴿رَبَّنَا اَفْرِغْ عَلَیْنَا صَبْرًاوَّتَوَفَّنَا مُسْلِمِیْنَ﴾’’اے ہمارے پروردگار! ہم پر صبر کا فیضان کر اور ہمیں دنیا سے اس حال میں اٹھا کہ ہم مسلمان ہوں۔‘‘(سورۃ اعراف، آیت نمبر 126)اس دعا کے بعد اللہ تعالیٰ نے اہل ایمان کے دل اس قدر مضبوط کر دئیے کہ انہوں نے بھرے دربارمیں بادشاہ کے سامنے کہہ دیا۔ ﴿فَاقْضِ مَا اَنْتَ قَاضٍ اِنَّمََا تَقْضِیْ ھٰذِہ الْحَیٰوۃَ الدُّنْیَا﴾ ’’تو جو کچھ کرنا چاہتا ہے کر لے‘ تو زیادہ سے زیادہ بس(ہماری)دنیا کی زندگی کو ہی ختم کر سکتا ہے۔‘‘(اس سے زیادہ ہمارا کچھ نہیں بگاڑ سکتا)(سورۃ طہٰ، آیت نمبر72) رسول اکرم صلی اللہ علیہ وسلم مکہ مکرمہ میں مسلسل تیرہ سال تک مصائب و آلام سے بھر پور جدوجہد فرماتے رہے۔ بالآخر اہل مکہ کے غیر انسانی اور ظالمانہ سلوک سے تنگ آکر اس توقع کے ساتھ طائف تشریف لے گئے کہ شاید وہاں کے لوگ میری بات سننے پر آمادہ ہو جائیں لیکن وہاں آپ صلی اللہ علیہ وسلم کے ساتھ جو سنگدلانہ سلوک کیا گیا اس سے آپ صلی اللہ علیہ وسلم کو شدید صدمہ پہنچا۔ آپ صلی اللہ علیہ وسلم زخمی حالت میں طائف سے باہر قرن الثعالب کے مقام پر پہنچے تھوڑی دیر آرام فرمایا۔حواس بحال ہوئے تو اللہ تعالیٰ کے حضور ہاتھ پھیلاکر یہ درد انگیز دعا مانگی۔’’الٰہی! اپنی قوت کی کمی اپنی بے سروسامانی اور لوگوں کے مقابلے میں اپنی بے بسی کی
x
صفحہعنوان
5بسم اللّٰه الرحمن الرحيم
33فَضْــــلُ الدُّعَاءِ دعا کی فضیلت
36أَہَمِیَّــــۃُ الدُّعَاءِ دعا کی اہمیت
37آدَابُ الدُّعَاءِ دعا کے آداب
42اَلْکَلِمَاتُ الَّتِیْ تُسْتَجَابُ بِہَا الدُّعَاءِ وہ کلمات جن کے ذریعے دعا قبول کی جاتی ہے
45اَ لْاَوْقَـــاتُ الَّتِیْ تُسْتَجَابُ فِیْہَا الدُّعَاءِ قبولیت دعا کے اوقات
49اَلَّــــذِیْنَ تُسْتَجَابُ دُعَـــاءُہُــــمْ وہ لوگ، جن کی دعا قبول کی جاتی ہے
52اَلَّــــذِیْنَ لاَ تُسْتَجَابُ دُعَـــاءُ ہُــــمْ وہ لوگ، جن کی دعا قبول نہیں کی جاتی
55مُبـَـــاحَاتُ الدُّعَاءِ دعا میں جائز امور
60مَکْرُوْہَاتُ الدُّعَاءِ وَ مَمْنُوْعَاتُہَا دعا میں مکروہ اور ممنوع امور
65اَوْجَہُ اِجَـــابَۃِ الدُّعَاءِ قبولیت دعا کی مختلف صورتیں
66الدُّعَاءِ فِیْ ضَوْئِ الْقُرْآنِ دعا، قرآن مجید کی روشنی میں
69اَ لْاَدْعِیَـــــۃُ الْقُـــرْآنِیَـــۃُ قرآنی دعائیں
78اَ لْاَدْعِیَـــــۃُ النـَّــوْمِ وَالْإِسْتِیْقَـــاظِ سونے اور جاگنے کی دعائیں
81اَ لْاَدْعِیَـــــۃُ فِی الطَّـــہَارَۃِ طہارت سے متعلق دعائیں
83اَ لْاَدْعِیَـــــۃُ لِلْمَسْجِدِ مسجد سے متعلق دعائیں
85اَ لْاَدْعِیَـــــۃُ فِی النِّـــدَائِ وَالصـَّـــلاَۃِ اذان اور نمازسے متعلق دعائیں
92أَ لْأَذْکَارُ الْمَسْنُـوْنَۃِ بَعْدِ الصَّلاَۃِ نماز کے بعد اذکار مسنونہ
96أَ لْأَدْعـِـــیَۃُ الْخَـــاصَّۃُ لِبَعْضِ الصَّـلاَۃِ بعض نمازوں کی مخصوص دعائیں
98أَ لْأَدْعِیَـــۃُ فِی الصِّیَامِ روزوں سے متعلق دعائیں
100أَ لْأَدْعِیَـــۃُ فِی الزَّکَاۃِ زکاۃسے متعلق دعائیں
101أَ لْأَدْعِیَـــۃُ فِی السَّفَرِ سفرسے متعلق دعائیں
106أَ لْأَدْعِیَـــۃُ فِی الزَّوَاجِ نکاح سے متعلق دعائیں
108أَ لْأَدْعِیَـــۃُ فِی الطَّــــعَامِ کھانے پینے سے متعلق دعائیں
111أَ لْأَدْعِیَـــۃُ فِی الصَّبَاحِ وَالْمَسَآءِ صبح و شام کی دعائیں
117أَ لْأَدْعِیَـــۃُ الْجَـــــامِعَـــۃِ جامع دعائیں
122أَ لْأَدْعِیَـــۃُ فِی الْاِسْــتِـعـَـــاذَۃِ پناہ مانگنے کی دعائیں
127أَ لْأَدْعِیَـــۃُ فِی الْہَـــمِّ وَالْحُــــزْنِ رنج اور شدت ِغم کے وقت کی دعائیں
132أَ لْأَدْعِیَـــۃُ فِی الْمَــرَضِ وَالْمَـــوْتِ مرض اور موت سے متعلق دعائیں
138أَلتَّـــوْبَـــۃُ وَالْإِسْـتِــغْــفَـــارُ توبہ اور استغفار
142ذِکْــــرُ اللّٰہِ عَـــزَّوَجَـــــلَّ اللہ تعالیٰ کا ذکر
148أَ لْأَدْعِـیَـــۃُ الْمُتَفَــرَّقَـــۃُ متفرق دعائیں
157ألْأَدْعِـیَۃُ وَالْاَوْرَادِ غَیْرِ الْمَاثُوْرَۃِ غیر مسنون دعائیں اور وظیفے
Flag Counter