اللہ تعالیٰ اور اس کے ذکر سے غفلت انسان کی عام صفت ہے۔اللہ تعالیٰ کاارشاد ہے:﴿اِقْتَرَبَ لِلنَّاسِ حِسَابُهُمْ وَهُمْ فِیْ غَفْلَةٍ مُّعْرِضُوْنَ﴾ (الإنبیاء:۲۱/۱)”لوگوں کا حساب نزدیک آگیا اور وہ غفلت میں منہ پھیر رہے ہیں “اور اس کا ارشاد ہے: ﴿وَإذَا أنْعَمْنَا عَلَی الاِنْسَانِ أعْرَضَ وَنَاٰ بِجَانِبِه﴾ (الإسراء : ۱۷/۸۳)”اور جب ہم انسان پرانعام کرتے ہیں تو منہ پھیر لیتا اور پہلو تہی کرلیتا ہے“ … اور فرمایا:﴿وإنَّ کَثِيْرًا مِّنَ النَّاسِ عَنْ اٰيٰتِنَا لَغَافِلُوْنَ﴾ (یونس:۱۰/۹۲)”اور بے شک بہت سے لوگ ہماری آیتوں سے غافل ہیں “بے شک بہت سے لوگ اللہ تعالیٰ کی آیتوں سے غافل ہیں اوران پر توجہ نہیں دیتے۔ نہ اسے یاد کرتے، نہ اس کی آیات پر غوروفکر کرتے ہیں ۔ وہ اللہ تعالیٰ کی نعمتوں کے مزے لوٹتے ہیں اور باقی سب کچھ فراموش کردیتے ہیں ۔ اس کی جنت و جہنم اورحساب و عذاب کے بارے میں نہیں سوچتے۔ اللہ تعالیٰ کی نعمتوں سے فیض یاب ہوتے ہیں لیکن اس کی نافرمانی کرتے اور اس کے ذکر و اطاعت سے اعراض کرتے ہیں اور اکثر لوگوں کی عمر سی غفلت میں گزر جاتی ہے۔اللہ تعالیٰ کا ارشاد ہے:﴿وَأنْذِرْهُمْ يَوْمَ الْحَسْرَةِ إذْ قُضِیَ الأمْرُ وَهُمْ فِیْ غَفْلَةٍ وَّهُمْ لاَ يُوٴمِنُوْنَ﴾ [1]