| یہ مال لینا جائز نہیں السلام علیکم ورحمة اللہ وبرکاتہ میرے والد بہت معمر اور نابینا ہیں ۔ ان کی ایک بہت ہی چھوٹی سی دکان ہے ۔ وہ اور میری والدہ بہبود ویلفیئر دفتر گئے اور انہوں نےسالانہ امداد حاصل کی ،میری والدہ والد کی طرف سے وکالت کرتے ہوئے اس امداد کو حاصل کرتی رہیں، جس کی وہ مستحق تھیں جب کہ بالفعل امداد میرےوالد ہی دفتر سےحاصل کرلیا کرتے تھے۔ چار سال قبل میری والدہ کاانتقال ہوگیا ہے لیکن میرے والد اس امداد کو مسلسل حاصل کررہے ہیں ، امید ہے راہنمائی فرمائیں گے ، کیا اس کی وجہ سے میرے والد کو گناہ تونہ ہوگا ؟ کیا میری والدہ کےنام پر ان کا امداد حاصل کرنا حلال ہے ؟ الجواب بعون الوہاب بشرط صحة السؤال وعلیکم السلام ورحمة اللہ وبرکاتہ! الحمد للہ، والصلاة والسلام علیٰ رسول اللہ، أما بعد! اس حالت میں اس شخص کے لیے اپنی بیوی کے نام پر اس کی وفات کےبعد گزارہ الاؤنس حاصل کرنا جائز نہیں ہے کیونکہ یہ نفقہ اپنی بیوی کے نام پر حاصل کرتاہے اور وہ فوت ہو چکی ہے ۔ اسے چاہیے کہ یہ متعلقہ محکمہ کو حقیقت حال سے آگاہ کردے اور اگر اس کی کوئی اور بیوی ہو اور وہ اس کی مستحق ہو تو اس کے نام سے از سر نو حاصل کرلے ۔ ھذا ما عندی واللہ اعلم بالصواب فتاویٰ اسلامیہ ج4ص540 |
| Book Name | اجتماعی نظام |
| Writer | متفرق |
| Publisher | متفرق |
| Publish Year | متفرق |
| Translator | متفرق |
| Volume | متفرق |
| Introduction | فتاوے متففرق جگہوں سے ، مختلف علما کے، مختلف کتابوں سے نقل کئے گئیے ہیں۔ البتہ جمع و ترتیب محدث ٹیم نے ، تصحیح و تنقیح المدینہ اسلامک ریسرچ سینٹر نے کی ہے |