| (538) عورت کے چہرے کا پردہ السلام علیکم ورحمة اللہ وبرکاتہ "چہرہ عورت کا " پردے کے بارے میں تفصیلاًقرآن و حدیث سے جواب چاہیے اور عرض یہ ہے کہ صاف صاف چہرے کے پردے کے لیے کیوں نہیں کہا گیا ؟ الجواب بعون الوہاب بشرط صحة السؤال وعلیکم السلام ورحمة اللہ وبرکاتہ! الحمد للہ، والصلاة والسلام علیٰ رسول اللہ، أما بعد! عورت کا چہرہ پردےمیں شامل ہے واقعہ افک جس کی تنصیص صحیح وغیرہ میں مو جو د ہے اس میں صفوان کے بارے میں حضرت عائشہ رضی اللہ تعالیٰ عنہا کا بیان ہے ۔ «وکان قدرانی قبل الحجاب» یعنی" اس نے پردہ کا حکم نازل ہنے سے پہلے مجھے دیکھا ہواتھا ۔" اس سے معلوم ہوا کہ صحابیات رضی اللہ تعالیٰ عنہا کے ہاں چہرے کا پردہ معہودتھا اسی طرح سنن ابوداؤد میں حدیث ہے حضرت عائشہ رضی اللہ تعالیٰ عنہا فرماتی ہیں کہ ہم یعنی عورتیں احرام کی حالت میں رسول اللہ صلی اللہ علیہ وسلم کے ساتھ ہوتیں ۔ جب مردوں کی جماعت ہمارے ساتھ گذرتی اور رو بروہو کر جاتی تواس وقت ہم اپنی چادر کو کھینچ کر اپنے چہرہ کو چھپا لیتیں جب ان کی جما عت گزر جاتی تو ہم پھر اسی طرح اپنے چہرے کھول لیتیں ۔(ابوداؤد مع عون المعبود 1/104) اس سے معلوم ہوا کہ چہرہ پردے میں داخل ہے یہ روایات صریح ہیں ہر چیز میں امر کا پہلو ضروری نہیں بلکہ شرعی مسائل کے بیان میں مختلف اسا لیب ہیں جن سے مطلو بہ رہنمائی کو ایک مو من اپنے لیے حرزجان جانتا ہے ۔مزید تصریحات کے لیے ملا حظہ ہو۔کتا ب۔(نظرات فی کتاب حجا ب المراۃ المسلۃ ) ھذا ما عندی واللہ اعلم بالصواب فتاویٰ ثنائیہ مدنیہ ج1ص821 |
| Book Name | اجتماعی نظام |
| Writer | متفرق |
| Publisher | متفرق |
| Publish Year | متفرق |
| Translator | متفرق |
| Volume | متفرق |
| Introduction | فتاوے متففرق جگہوں سے ، مختلف علما کے، مختلف کتابوں سے نقل کئے گئیے ہیں۔ البتہ جمع و ترتیب محدث ٹیم نے ، تصحیح و تنقیح المدینہ اسلامک ریسرچ سینٹر نے کی ہے |