Maktaba Wahhabi

تفسیر سورۂ فاطر

مؤلف: ارشاد الحق اثری

ناشر: ادارۃ العلوم الاثریہ فیصل آباد

سال شائع: فروری 2014ء

302
﴿اِسْتِکْبَارًا فِی الْاَرْضِ وَمَکْرَ السَّیِّیِٔ وَ لَا یَحِیْقُ الْمَکْرُ السَّیِّیُٔ اِلَّا بِاَہْلِہٖ فَہَلْ یَنْظُرُوْنَ اِلَّا سُنَّۃَ الْاَوَّلِیْنَ فَلَنْ تَجِدَ لِسُنَّتِ اللّٰہِ تَبْدِیْلااًا وَ لَنْ تَجِدَ لِسُنَّتِ اللّٰہِ تَحْوِیْلااًا ﴾ [الفاطر:۴۳[ ’’زمین میں تکبر کی وجہ سے اور بری تدبیر کی وجہ سے اور بری تدبیر اپنے کرنے والے کے سوا کسی کو نہیں گھیرتی۔ اب یہ پہلے لوگوں سے ہونے والے طریقے کے سوا کس چیز کا انتظار کررہے ہیں؟ پس تُو نہ کبھی اللہ کے طریقے کو بدل دینے کی کوئی صورت پائے گا اور نہ کبھی اللہ کے طریقے کو پھیر دینے کی کوئی صورت پائے گا۔‘‘ اس آیت کی ابتدا میں مشرکین کے نفور واِعراض کا اصل سبب ذکر ہوا ہے کہ ان کی آرزوؤں کے مطابق اللہ نے رسول بھیجا۔ دلائل وبراہین اور واضح معجزات کے باوجود ان کی دینِ حق سے نفرت کا اصل سبب ان کا ’’استکبار‘‘ ہے۔ وہ یہ بات تسلیم کرنے کے لیے تیار نہ تھے کہ ہماری سیادت وقیادت ختم ہوجائے اور سب محمد رسول اللہ صلی اللہ علیہ وسلم کو قائد تسلیم کرلیں۔ خاندانی رقابت اس پر مستزاد تھی۔ جیسا پہلے ہم آیت نمبر(۴) کے تحت ذکر کر آئے ہیں۔ رسول اللہ صلی اللہ علیہ وسلم کو یتیم سمجھ کر بھی آپ صلی اللہ علیہ وسلم کی اطاعت قبول کرنے کے لیے تیار نہ تھے بلکہ وہ برملا کہتے تھے: ﴿وَ قَالُوْا لَوْ لاَ نُزِّلَ ہٰذَا الْقُرْاٰنُ عَلٰی رَجُلٍ مِّنَ الْقَرْیَتَیْنِ عَظِیْمٍ﴾ [1] ’’اور انھوں نے کہا: یہ قرآن ان دو بستیوں میں سے کسی بڑے آدمی پر کیوں نازل نہ کیا گیا؟‘‘
x
صفحہعنوان
17عرض ناشر
29الحمد للہ کی فضیلت:
36الحمد للہ کہنا بہت بڑی نعمت:
42(۹) مقامات حمد:
46(۱۰) الحمد للہ کے بعض جامع کلمات:
51(۱۱) الحمد اللہ کہنے کے بارے میں اسلاف کا عمل
57فَاطِرِ السَّمٰوٰتِ وَالْاَرْض
87حفاظت کا وظیفہ
212مسئلۂ سماع موتی:
259ظالم کو پہلے ذکر کرنے کی توجیہات:
309سنۃ اللہ کا مفہوم
Flag Counter