Maktaba Wahhabi

تفسیر سورۂ فاطر

مؤلف: ارشاد الحق اثری

ناشر: ادارۃ العلوم الاثریہ فیصل آباد

سال شائع: فروری 2014ء

304
’ لَا یُدْخُلُ الْجَنَّۃَ مَنْ کَانَ فِيْ قَلْبِہِ مِثْقَالَ ذَرَّۃٍ مِنْ کِبَرٍ ‘[1] ’’جس کے دل میں ذرہ برابر بھی تکبر ہوگا وہ جنت میں نہیں جائے گا۔‘‘ اس لیے کسی صحیح اور سچی بات کا انکار اور کسی مسلمان بھائی کو حقیر سمجھنا تکبر ہے۔ اللہ سبحانہ وتعالیٰ نے فرمایا ہے: ﴿وَ اِذَا قِیْلَ لَہُ اتَّقِ اللّٰہَ اَخَذَتْہُ الْعِزَّۃُ بِالْاِثْمِ فَحَسْبُہٗ جَہَنَّمُ وَ لَبِئْسَ الْمِہَادُ ﴾ [2] ’’اور جب اسے کہا جاتا ہے کہ اللہ سے ڈر تو اس کی عزت اسے گناہ میں پکڑے رکھتی ہے، سو اُسے جہنم ہی کافی ہے اور یقینا وہ برا ٹھکانہ ہے۔‘‘ حضرت عبداللہ بن مسعود رضی اللہ عنہ اس کی وضاحت میں فرماتے ہیں: ’إِنَّ مِنْ أَکْبَرِ الذُّنُوْبِ عِنْدَ اللّٰہِ أَنْ یّقُوْلَ الرَّجُلُ لِأَخِیْہِ: اِتَّقِ اللّٰہَ۔ فَیَقُوْلُ: عَلَیْکَ بِنَفْسِکَ، أَنْتَ تَأَمُرُنِيْ!‘ [3] ’’اللہ کے ہاں گناہوں میں سے بڑا گناہ یہ ہے کہ کوئی آدمی اپنے بھائی سے کہے: اللہ سے ڈر، تو وہ کہے: تم اپنی فکر کرو۔ تم مجھے حکم دیتے ہو!‘‘ گویا وہ اپنی عزت کے منافی سمجھتا ہے کہ کوئی اسے گناہ سے روکے اور اللہ تعالیٰ سے ڈرنے کی تلقین کرے بلکہ الٹا اسے حقیر سمجھتے ہوئے کہتا ہے کہ تم کون ہوتے ہو مجھے روکنے ٹوکنے والے۔ یہی وہ تکبر ہے جس سے رسول اللہ صلی اللہ علیہ وسلم نے خبردار کیا ہے۔ اور یہی بالآخر انسان کو کفر وشرک میں مبتلا کردیتا ہے۔ ﴿وَ مَکْرَ السَّیِّیِٔ ﴾ ’’اور بری تدبیر‘‘، جو وہ رسول اللہ صلی اللہ علیہ وسلم کو زک پہنچانے کے لیے کرتے تھے۔ بعض نے کہا ہے کہ ﴿اِسْتِکْبَارًا فِی الْاَرْضِ وَمَکْرَ السَّیِّیِٔ﴾
x
صفحہعنوان
17عرض ناشر
29الحمد للہ کی فضیلت:
36الحمد للہ کہنا بہت بڑی نعمت:
42(۹) مقامات حمد:
46(۱۰) الحمد للہ کے بعض جامع کلمات:
51(۱۱) الحمد اللہ کہنے کے بارے میں اسلاف کا عمل
57فَاطِرِ السَّمٰوٰتِ وَالْاَرْض
87حفاظت کا وظیفہ
212مسئلۂ سماع موتی:
259ظالم کو پہلے ذکر کرنے کی توجیہات:
309سنۃ اللہ کا مفہوم
Flag Counter