|
کتاب الحج
کیا حرام مال سے حج کرنا درست ہے؟
سوال:اگر کسی شخص کے پاس مال وجہ حلال سے نہ ہو،لیکن وہ شخص مستطیع ہو تو اس پر حج فرض ہے یا نہیں اور ایسے شخص مستطیع کا اسی مال سے حج کرنا باعثِ ثواب ہوگا یا نہیں ؟
جواب:جس شخص کے پاس مال وجہ حلال سے نہ ہو،بلکہ وجہ حرام سے ہو اور اسی مال حرام ہی سے وہ مستطیع ہو تو اس پر حج فرض نہیں ہے۔ایسے شخص کا مالِ حرام سے حج کرنا باعثِ قبولیت اور ثواب نہیں ہے۔قال رسول اللّٰه صلی اللّٰه علیہ وسلم:(( لا یقبل اللّٰه إلا الطیب )) [1] رواہ الشیخان (مشکاۃ شریف باب فضل الصدقۃ) واللّٰه أعلم بالصواب۔
[رسول اﷲ صلی اللہ علیہ وسلم نے فرمایا:اﷲ (خود بھی پاک ہے) اور پاک چیز ہی کو قبول کرتا ہے]
کتبہ:محمد عبد الرحمن المبارکفوري،عفا اللّٰه عنہ۔[2] سید محمد نذیر حسین
|