Maktaba Wahhabi

دوستی اور دشمنی (کتاب و سنت کی روشنی میں)

مؤلف: محمد اقبال کیلانی

ناشر: حدیث پبلی کیشنز، لاہور

سال شائع: جون 2004ء

بہت سے والدین اپنی اولاد کو بڑی محنت اور محبت سے دینی تعلیم دلواتے ہیں لیکن ان کے رشتے طے کرتے وقت دنیا کی چمک،دمک کے سامنے ان کے دینی جذبات ماند پڑجاتے ہیں اوروہ اپنے بچوں اور بچیوں کے لئے بے دین یابدعتی یا مشرک گھرانے پسند کرتے ہیں یہ طرز عمل بھی ’’عقیدہ الولاء والبراء ‘‘کے خلاف ہے۔ دوستی اور محبت خواہ فحاشی اور بے حیائی پھیلانے والے فلمی ستاروں اور ٹی وی ایکٹروں سے ہویا قوم کو گمراہ کرنے والے سیاستدانوں اور دانشوروں سے ہویا بے دین،بدعتی اور مشرک لوگوں سے ہویاکفار کے لیڈروں سے،دنیامیں بھی خرابی اور بگاڑ کا باعث بنے گی اور آخرت میں بھی حسرت وندامت کا سبب ہوگی۔ارشاد باری تعالیٰ ہے:﴿وَیَوْمَ یَعَضُّ الظَّالِمُ عَلٰی یَدَیْہِ یَقُوْلُ یٰلَیْتَنِی اتَّخَذْتُ مَعَ الرَّسُوْلِ سَبِیْلاً،یٰوَیْلَتٰی لَیْتَنِیْ لَمْ اَتَّخِذْ فُلاَنًا خَلِیْلاً﴾ترجمہ:’’اس روز ظالم اپنے ہاتھوں کو کاٹے گا اور کہے گاکاش میں نے رسول کا ساتھ دیا ہوتا ہائے میری کم بختی میں نے فلاں شخص کو دوست نہ بنایا ہوتا۔‘‘(سورہ الفرقان،آیت نمبر28-27) نیک،متقی اور صالح لوگوں کی دوستی اس دنیا میں بھی اصلاح اور خیر کا باعث بنے گی اورقیامت کے روز بھی نفع بخش ثابت ہوگی ارشاد باری تعالیٰ ہے:﴿ اَلْاَخِلاَّئُ یَوْمَئِذٍ بَعْضُہُمْ لِبَعْضٍ عَدُوٌّ اِلاَّ الْمُتَّقِیْنَ﴾ترجمہ:’’قیامت کے روز سب ایک دوسرے کے دشمن بن جائیں گے سوائے متقی لوگوں کے۔‘‘(سورہ الزخرف،آیت نمبر67)پھر ہے کوئی نصیحت حاصل کرنے والا؟ فَہَلْ مِن مُّدَّکِرْ ؟ اہل ایمان کے ساتھ ولاء یعنی دوستی،محبت،نصرت اور حمایت کا ایک اورپہلوبھی ہے جو اسلامی معاشرے کی اصلاح اور بھلائی کے لئے بڑی اہمیت رکھتا ہے۔اس لئے اس کا تذکرہ کرنابھی ضروری ہے۔ اللہ تعالیٰ نے محبت اور دوستی کا جذبہ ہر انسان کی فطرت میں رکھا ہے کسی میں کم کسی میں زیادہ۔اسلام اس فطری جذبہ کو بھی معاشرے کی بھلائی اور اصلاح کے لئے استعمال کرنا چاہتا ہے۔ عقیدہ الولاء والبراء کے تحت ہرمسلمان پر واجب ہے کہ وہ اپنی حیثیت کے مطابق حسب موقع دوسرے مسلمان بھائیوں کے ساتھ خیرخواہی اور ہمدردی کرے،ان کی نصرت اور حمایت کرے۔اس سلسلے میں رسول اکرم صلی اللہ علیہ وسلم کے چند ارشادات پیش خدمت ہیں ٭ عام مسلمانوں سے محبت کا حکم:1.ارشاد نبوی صلی اللہ علیہ وسلم ہے’’اپنے بھائی کے لئے وہی چیز پسند کروجو تم اپنے لئے پسند کرتے ہو۔‘‘(بخاری)۔2.’’آپس میں بغض نہ رکھو،حسد نہ کرو،ایک دوسرے کی غیبت نہ کرو،اللہ کے بندو!بھائی بھائی بن کے رہو،کسی مسلمان کے لئے یہ جائز نہیں کہ وہ تین دن سے زیادہ اپنے بھائی سے ترک تعلق کرے۔‘‘(بخاری)۔3.’’تم زمین والوں پر مہربانی کرو،آسمان والاتم پر مہربانی فرمائے گا۔‘‘(ابوداؤد)۔4.’’مسلمان،مسلمان کا بھائی ہے نہ اس پرظلم کرے نہ اسے دشمن کے حوالے کرے۔‘‘(بخاری)
x
صفحہعنوان
6بسم اللّٰه الرحمٰن الرحیم
79الجــــزء الاول (حصہ اول) أَ لْإِسْلاَمُ وَالْکُفْرُ عَقِیْدَتَانِ مُتَضَادَتَانِ اسلام اورکفر دو متضاد عقیدے ہیں
80أَلْإِسْلاَمُ نَاسِخٌ لِجَمِیْعِ الْاَدْیَانِ اسلام کے علاوہ باقی تمام ادیان منسوخ ہیں
82مَــنْ ہُــوَ الْکُفَّــــارُ؟ کافر کون ہیں؟
84عَــدَاوَۃُ الْکُفَّــارِ لِلْاِسْـــلاَمِ کفار کی اسلام دشمنی
89سَبَبُ عَدَاوَۃِ الْکُفَّارِ لِلْمُسْلِمِیْنَ مسلمانوں سے کفار کی دشمنی کا سبب
91عَزَائِمُ الْکُفَّارِ ضِدَّ الْمُسْلِمِیْنَ کفار کے مسلمانوں کے خلاف عزائم
96لاَ یُمْکِنُ وَلاَءُ بَیْنَ الْکُفَّارِ وَالْمُسْلِمِیْنَ مسلمانوں اور کافروں میں دوستی ناممکن ہے
99زِیْنَۃُ حَیَاۃِ الْکُفَّارِ فِیْ ضَوْءِ الْقُرْآنِ کافروں کی دنیاوی شان و شوکت قرآن مجید کی روشنی میں
103الجــــزء الثانی (دوسرا حصہ) أَ لوَلَاءُ دوستی کا بیان
105مَعنَي الْوَلاَءِ ولاء کا مطلب
106ولاء کا مستحق کون ہے؟
107أَہَمِّیَّـــۃُ الْوَلاَءِ دوستی کی اہمیت
109اللہ سبحانہ و تعالیٰ کے ساتھ محبت کا حکم
112فَضْلُ الْوَلاَءِ لِلّٰہِ سُبْحَانَہٗ وَ تَعَالٰی اللہ سبحانہ و تعالیٰ سے محبت کی فضیلت
118اِقْتَضَاءُ الْوَلاَءِ لِلّٰہِ سُبْحَانَہٗ وَتَعَالٰی اللہ تعالیٰ سے محبت کے تقاضے
125حُکْمُ الْوَلاَءِ لِرَسُوْلِ اللّٰہِ صلی اللّٰه علیہ وسلم رسول اکرم صلی اللہ علیہ وسلم کے ساتھ محبت کرنے کا حکم
132فَضْــــلُ الْوَلاَءِ لِرَسُوْلِ اللّٰہِ صلی اللّٰه علیہ وسلم رسول اکرم صلی اللہ علیہ وسلم کے ساتھ محبت کی فضیلت
134رسول اکرم صلی اللہ علیہ وسلم کے ساتھ محبت کے تقاضے
140حُـــــکْمُ الْـــوَلاَءِ لِلْمُؤْمِنِیْـنَ اہل ایمان کے ساتھ محبت کا حکم
145اہل ایمان کے ساتھ محبت کی فضیلت
149إِقْتِضَـــــاءُ الْـــوَلاَءِ لِلْمُؤْمِنِیْـنَ اہل ایمان کے ساتھ محبت کے تقاضے
158ضَرَرُ عَدْمِ الْوَلاَءِ لِلْمُؤْمِنِیْنَ اہل ایمان سے دوستی نہ کرنے کا نقصان
159الجــــزء الثالث (دوسرا حصہ) أَ لْــــبـَـــــــــرَاءُ دشمنی کا بیان
161براء کا مفہوم
162مَنْ یَسْتَحَـــقُّ الْبَــــرَاءِ؟ براء کامستحق کون ہے؟
163نَہْیُ الْـــوَلاَءِ عَنِ الْـــکُـفَّـــارِ کفار سے دوستی کی ممانعت
167نَہْیُ الْـــوَلاَءِ عَنِ الْمُنَـــافِـقِیْنِ منافقین سے دوستی کی ممانعت
168عِـــقَــــابُ وَلاَءِ الْـــکُــفَّـــارِ کفار سے دوستی کی سزا
172حُکْمُ الْبَـرَاءِ عَنِ الْکُفَّارِ وَالْمُشْرِکِیْنَ کفار و مشرکین سے براء ت کا حکم
180حُکْمُ الْبَرَاءِ عَنِ الْمُنَــافِقِیْنَ منافقین سے براء ت کا حکم
182حُـــکْمُ الْبـَـرَاءِ عَنِ الْفُسَّـــاقِ وَ الْفُـــجَّــــــارِ فاسق اورفاجر لوگوں سے براء ت کا حکم
184اِقْتَضَــــاءُ البَـــرَاءِ عَـــنِ الْکُــفَّـــارِ کفار سے برا ء ت کے تقاضے
195الجــــزء الرابع (حصہ چہارم) حُکْمُ الْإِحْسَانِ لِغَیْرِ الضَّارِیْنَ مِنَ الْکُفَّارِ بے ضرر کفار سے حسن سلوک کا حکم
196حُکْمُ الْإِحْسَانِ لِغَیْرِ الضَّارِیْنَ مِنَ الْکُفَّارِ بے ضرر کفار سے حسن سلوک کا حکم
Flag Counter