| ضمیمہ ایمان کی تعیین از: فضیلۃ الشیخ عبد اللہ بن عبد الحمید الاثری حفظہ اللہ ایمان کی تعریف و تعیین: اہل السنۃ والجماعۃ کے سلف صالحین ( صحابہ کرام اور تابعین و تبع تابعین ) کے اُصول عقیدہ میں سے ہے کہ، ان کے نزدیک:(۱).....دل سے پختہ تصدیق (۲).....زبان سے مکمل اقرار اور (۳).....ارکان و جوارح ( اعضاء بدن) کے ساتھ مکمل عمل کا نام ایمان ہے کہ جو اللہ عزوجل اور اُس کے حبیب و خلیل نبی محمد رسول اللہ صلی اللہ علیہ وسلم کی مکمل اطاعت کے ساتھ بڑھتا ہے اور معصیت و نافرمانی کے ساتھ کم ہو تاہے۔ قول و عمل کا نام ایمان[1] یعنی دل اور زبان سے اقرار و تصدیق اور ؛ دل، زبان اور اعضاء ِ بدن کے ساتھ عمل۔ |