Maktaba Wahhabi

جنت کا راستہ

مؤلف: عبد اللہ بن احمد العلاف

ناشر: دائرہ نور القرآن

مترجم: خلیق الرحمٰن قدر

153
ڈرنا ہے پھر درجہ بدرجہ تمام گناہوں اور برائیوں سے ڈرناہے۔پھر مشابہ امور اور پھر لایعنی کاموں سے پرہیز کرنا ہے۔ سیدنا عبداللہ بن مسعود رضی اللہ عنہ فرماتے ہیں ’’اتقوا اﷲ حق تقاتہ‘‘کامطلب ہے کہ اطاعت کے بعد پھر نافرمانی نہ ہو!ذکر کے بعد بھول نہ ہو،شکر کے بعد کفر نہ ہو۔کسی شخص کا تقویٰ تین باتوں سے معلوم ہوتا ہے۔(1)جو چیز نہ ملی(غم نہ کرنا) اس پر توکل کرنا۔(2)جو چیز ملی اس پر راضی رہنا۔(3)جو پریشانی اور غم ملا ہے اس پر صبر کرنا۔ امام حسن بصری رحمہ اللہ کے پاس ایک شخص اون کا جبہ پہنے ہوئے آیا اس کا نام فرقد تھا۔امام حسن نے اس جبے کادامن تھام کر کہا۔اے فرقد!تقویٰ اس اونی جبے میں نہیں ہے۔بلکہ تقویٰ تو دل کے ایمان اور عمل سے تصدیق کانام ہے۔(یعنی تقویٰ جبہ ودستار اور بڑی بڑی پگڑیوں عماموں میں نہیں ہوتا بلکہ ایمان باللہ،عمل صالح توکل،رضائے الٰہی پرراضی رہنے کانام ہے ) تقویٰ کاعلم سے تعلق: تقویٰ کی عمارت علم کی بنیادوں پر قائم ہوتی ہے جاہل شخص اچھا متقی نہیں بن سکتا۔کیونکہ اسے یہی علم نہ ہوگا کہ گناہ و ثواب کیا ہے۔سنت و بدعت کیاہے؟ امام ابن رجب رحمہ اللہ فرماتے ہیں ’’تقویٰ کی اصل یہ ہے کہ پہلے علم ہو کس چیز سے ڈرنا ہے پھر اس چیز سے ڈرا جائے اور پرہیز کیاجائے۔مثال کے طور پر اچھامتقی شخص سود نہیں کھاتا۔بدنظری نہیں کرتا بلکہ گناہوں کی طرف دیکھتا بھی نہیں ۔بے گناہ کاخون نہیں بہاتا۔فتنوں میں پڑتا نہیں ہے۔اوریہ سب باتیں قرآن و سنت سے معلوم ہوتی ہیں ۔ تقویٰ کے درجات! امام ابن القیم رحمہ اللہ فرماتے ہیں !تقویٰ کے تین درجات ہیں (1 )دل اور اعضاء جسم کوگناہوں اور حرام کردہ اشیاء سے بچانا۔(2 )مکروہات اور ناپسندیدہ امور سے بچنا۔(3) فضول اور لایعنی کاموں ،باتوں سے اجتناب برتنا۔پہلے درجے سے انسان کو زندگی ملتی ہے۔دوسرے درجے سے اسکی صحت و قوت میں اضافہ ہوتا ہے اور تیسرے درجے سے خوشی و فرحت اور مکمل سکون ملتا ہے۔ حصولِ تقویٰ کے ذرائع:آپ تقویٰ کی دواقسام کرسکتے ہیں ۔واجب اور مستحب۔ واجب تقویٰ:وہ تقویٰ جس کا حصول بالکل لازمی ہے وہ فرائض اسلام پر عمل کرنے
x
صفحہعنوان
6جنت کا راستہ
6توحید
7توحید کے مخالف اُمور(شرک)
9لَآ اِلٰہَ اِلَّا اللّٰہ ُ کا معنیٰ
11کفر کی اقسام
13اسلام
15اسلام کو توڑنے والے دس اُمور
18نفاق اور اس کی اقسام
18شرک کے خطرات
20وضو اور غسل کی صفات
22نماز نبوی صلی اللہ علیہ وسلم
29آیت الکرسی
31نماز نہ پڑھنے والوں کے متعلق حکم
34نمازِ جنازہ
36صبح و شام کے اذکار
37جمعۃ المبارک کے آداب
41مساجد کا حکم۔مسجد میں جانے کے آداب
48نماز کی قدر و منزلت
54احکامِ زکوٰۃ
58صدقہ وزکوٰۃ کے فوائد
59رمضان المبارک
79فضائل اعمال و اقوال
92حسن اخلاق،صلہ رحمی اور نیکی کی فضیلت
106نیکوکاروں کی بخشش
112گناہوں کا کفارہ
116ایک منٹ
119خواتین کا خزانہ
121دین کے مخالف اُمور
125مسنون دم جھاڑ
127نمازِ جنازہ اور تدفین کا طریقہ
129ثلاثیاتِ نبوی صلی اللہ علیہ وسلم
133تمباکونوشی
138پسندیدہ کلمات
139چند شرعی احکامات
142چند حرام کردہ امور
152حقیقت تقویٰ
158مومنوں کاگھر
169شاہراہ جنت
172گناہوں کو حقیر مت سمجھئے:
173خوش قسمتی سے ہم نے قرآن تھاما
174عورت اور نماز نبوی صلی اللہ علیہ وسلم
177خواتین اور رمضان المبارک
179اجروثواب کے دروازے
183دل کی پکار
Flag Counter