پر رسول کریم صلی اللہ علیہ وسلم کی احادیث کے بارے میں ۔ اگر اس کو معلوم ہوجائے، کہ وہ سچ ہیں ، تو بیان کرے، وگرنہ بیان نہ کرے۔ [1]
ب: سلف صالحین کا اس سے روکنا:
سلف صالحین نے بھی ہر سنی ہوئی بات کے بیان کرنے سے منع فرمایاہے۔ اس سلسلے میں امام مسلم کے روایت کردہ چار اقوال درج ذیل ہیں :
۱: حضرت عمر بن الخطاب رضی اللہ عنہ نے فرمایا: ’’ آدمی کے لیے یہی جھوٹ کافی ہے، کہ وہ ہر سنی ہوئی بات بیان کرے۔ ‘‘
۲: حضرت عبداللہ رضی اللہ عنہ [2] نے فرمایا: ’’ آدمی کے لیے یہی جھوٹ کافی ہے، کہ وہ ہر سنی ہوئی بات بیان کرے۔ ‘‘
۳: امام مالک نے بیان کیا: ’’ جان لو! ہر سنی ہوئی بات کو بیان کرنے والا شخص بچتا نہیں ،
اور نہ ہی ہر سنی ہوئی بات بیان کرنے والا شخص کبھی بھی امام ہوسکتا ہے۔ ‘‘
۴: امام عبدالرحمن بن مہدی نے بیان کیا: ’’ آدمی اس وقت امام نہیں ہوتا، کہ اس کی اقتدا کی جائے، یہاں تک کہ وہ بعض سنی ہوئی باتوں کو [اپنے ہی پاس] روک نہ لے [یعنی انہیں بیان نہ کرے]۔ ‘‘[3]
امام نووی نے مذکورہ بالا آثار اور حدیث پر درج ذیل عنوان تحریر کیا ہے:
[بَابُ النَّھيِ عَنِ الْحَدِیْثِ بِکُلِّ مَا سَمِعَ۔] [4]
[ ہر سنی ہوئی بات کے بیان کرنے کی ممانعت کے متعلق باب]
|