نیکی کا حکم دینے اور برائی سے روکنے میں خواتین کی ذمہ داری

حرف ِ آخر

رب رحیم وکریم کا دل کی اتھاہ گہرائیوں سے شکر گزار ہوں کہ اس نے میرے ایسے ناتواں اور ناکارے بندے کو اس اہم اور عظیم موضوع کے متعلق اس حقیر کوشش کو بظاہر مکمل کرنے کی توفیق سے نوازا۔

((اَلْحَمْدُ للّٰهِ عَدَدَ خَلْقِہِ وَرِضَی نَفْسِہِ وَزِنَۃَ عَرْشِہِ وَمِدَادَ کَلِمَاتِہِ۔))

اب اس ہی سے عاجزانہ التجا ہے کہ اس کو قبول فرمائے،اور اس کو میرے لیے،قارئین،اسلام اور مسلمانوں کے لیے نافع اور مفید بنا دے۔آمین یا حی یا قیوم

!… نتائج کتاب:

اس کتاب میں توفیق الٰہی سے متعدد باتیں اجاگر ہوئیں۔ان میں سے چند ایک درج ذیل ہیں:

1 مردوں کی طرح خواتین بھی فریضہ ٔ[امر بالمعروف اور نہی عن المنکر]ادا کرنے کی پابند ہیں۔فرضیت ِ احتساب کے بارے میں عام نصوص کا تعلق مردوں اور عورتوں دونوں کے ساتھ ہے۔علاوہ ازیں خواتین پر وجوبِ احتساب کے متعلق خاص نصوص بھی کتاب وسنت میں وارد ہوئی ہیں۔

2 بہت سے بیٹوں،باپوں،بھائیوں اور شوہروں کی نگاہوں میں اپنی اپنی مائوں،بیٹیوں،بہنوں اور بیویوں کا ایک خاص مقام ہوتا ہے۔مسلمان خواتین کو چاہیے کہ اپنی اس حیثیت کو نیکی کا حکم منوانے اور برائی سے بچانے میں استعمال کریں۔

3 قرون اولیٰ کی خواتین نے فریضہ ٔ احتساب کی اہمیت کو سمجھا اور جانا،اور اس کے ادا کرنے کا شدت سے اہتمام کیا۔ان کے دائرہ احتساب میں ہر قسم کے لوگ شامل