نیکی کا حکم دینے اور برائی سے روکنے میں خواتین کی ذمہ داری

((أَ نَّہَا آمَنَتْ بِرَسُوْلِ اللّٰهِ صلی اللّٰه علیہ وسلم،فَقَالَتْ:فَجَآئَ أَبُوْ أَنَسٍ وَکَانَ غَائِبًا،فَقَالَ:’’أَصَبَوْتِ؟۔‘‘

قَالَتْ:’’مَا صَبَوْتُ،وَلٰکِنِّي آمَنْتُ بِہٰذَا الرَّجُلِ۔‘‘

قَالَتْ:’’فَجَعَلَتْ تُلَقِّنُ أَنَسًا تُشِیْرُ إِلَیْہِ قُلْ:’’لاَ إِلٰہَ إِلاَّ اللّٰه’‘ قُلْ:’’أَشْہَدُ أَنَّ مُحَمَّدًا رَسُوْلُ اللّٰهِ’‘(صلی اللّٰه علیہ وسلم)۔

قَالَ:’’فَفَعَلَ۔‘‘

قَالَ:فَیَقُوْلُ لَہَا أَبُوْہُ:’’لاَ تُفْسِدِيْ عَلِيَّ اِبْنِيْ۔‘‘

فَتَقُوْلُ:’’إِنِّيْ لاَ أُفْسِدُہُ۔‘‘))[1]

’’وہ رسول اللہ صلی اللہ علیہ وسلم کے ساتھ ایمان لے آئیں۔ابو انس[ان کا شوہر]جو کہ کہیں گیا ہوا تھا،واپس آیا،تو کہنے لگا:’’کیا تو بے دین ہو چکی ہے؟۔‘‘

انہوں نے جواب دیا:’’میں لا دین نہیں ہوئی،بلکہ میں تو اس آدمی[رسول اللہ صلی اللہ علیہ وسلم]کے ساتھ ایمان لا چکی ہوں۔‘‘

پھر انہوں نے انس(رضی اللہ عنہ)کو تلقین کرنا شروع کی کہ وہ[لاَ إِلٰہَ إِلاَّ اﷲ]اور[أَشْہَدُ أَنَّ مُحَمَّدًا(صلی اللہ علیہ وسلم)رَسُوْلُ اﷲ]کہے۔

انس(رضی اللہ عنہ)نے ایسے ہی کیا۔

ابوانس ان سے کہنے لگا:’’میرے بچے کو نہ بگاڑو۔‘‘

انہوں نے جواب دیا:’’یقینا میں اس کو بگاڑ نہیں رہی۔‘‘

واقعے سے مستفاد باتیں:

1 حضرت ام سلیم رضی اللہ عنہا نے اپنے چھوٹے بیٹے کو کلمہ ئِ شہادت پڑھنے کا حکم دیا۔بیٹے کی کم عمری اس حکم کے دینے میں رکاوٹ نہ بن سکی۔