لا تیأسوا من روح اللّہ

’’[لِأَنَّہُمْ عَلِمُوْا أَنَّ اللّٰہَ تَعَالٰی إِنَّمَا اِبْتَلَاَھُمْ بِذُنُوْبِھِمْ۔]‘‘[1]

’’کیونکہ بلاشبہ وہ جان چکے ہیں، کہ درحقیقت اللہ تعالیٰ نے اُن کے گناہوں کی وجہ سے اُنہیں (مصیبت میں) مبتلا کیا ہے۔‘‘

۲: ارشادِ باری تعالیٰ ہے:

{ظَہَرَ الْفَسَادُ فِی الْبَرِّ وَ الْبَحْرِ بِمَا کَسَبَتْ أَیْدِی النَّاسِ لِیُذِیْقَہُمْ بَعْضَ الَّذِیْ عَمِلُوْا لَعَلَّہُمْ یَرْجِعُوْنَ}[2]

[خشکی اور تری میں لوگوں کی بد اعمالیوں کے باعث فساد پھیل گیا، تاکہ وہ (یعنی اللہ تعالیٰ) انہیں اُن کی کچھ کرتوتوں کا مزہ چکھائیں، شاید کہ وہ باز آ جائیں]۔

تفسیرِ آیت میں دو علماء کے اقوال:

i: قاضی ابو سعود لکھتے ہیں:

{ظَہَرَ الْفَسَادُ فِی الْبَرِّ وَ الْبَحْرِ} جیسے قحط سالی، موتیں، بہت زیادہ آگ سے جلنا، غرق ہونا …، برکتوں کا ختم ہونا، نقصانوں یا گمراہی اور ظلم کا زیادہ ہونا {بِمَا کَسَبَتْ اَیْدِی النَّاسِ} اُن کی نافرمانیوں کی نحوست یا اُن کی کرتوتوں کے سبب {لِیُذِیْقَہُمْ بَعْضَ الَّذِیْ عَمِلُوْا} یعنی ان کی سزا کا کچھ حصہ، کیونکہ پوری سزا تو آخرت میں ہے۔ {لَعَلَّہُمْ یَرْجِعُوْنَ} (یعنی وہ لوٹ آئیں) اپنی (بُری) روش سے۔[3]

ii: شیخ سعدی نے قلم بند کیا ہے:

{ظَہَرَ} کھل کر سامنے آ گیا۔

{الْفَسَادُ فِی الْبَرِّ وَ الْبَحْرِ} یعنی اُن کی معیشت کی بربادی، اُس کا بگاڑ، اور اُس