دعوت دین کس وقت دی جائے

-مبحث اوّل- رات دِن دعوت دینا

۱:نوح علیہ السلام کا قوم کو رات دن دعوت دینا:

قرآن کریم میں نوح علیہ السلام کی یہ بات نقل کی گئی:

﴿قَالَ رَبِّ اِنِّی دَعَوْتُ قَوْمِی لَیْلًا وَّنَہَارًا﴾[1]

[انہوں(یعنی نوح-علیہ السلام)نے کہا:’’(اے)میرے رب! بلاشبہ میں اپنی قوم کو رات اور دن دعوت دیتا رہا]۔

تفسیرِ آیت میں دو مفسرین کے اقوال:

i:حافظ ابن کثیر:

’’أَيْ لَمْ أَتْرُکْ دُعَائَ ہُمْ فِیْ لَیْلٍ وَّ لَا نَہَارٍ اِمْتِثَالًا لِأَمْرِکَ وَ ابْتِغَائً لِّطَاعَتِکَ‘‘۔[2]

[’’یعنی میں نے آپ کے حکم کی تعمیل کرتے ہوئے اور آپ کی تابع داری کے قصد سے انہیں دعوت دینا نہ رات میں ترک کیا اور نہ(ہی)دن میں‘‘]۔

ii:قاضی ابو سعود:

’’﴿لَیْلًا وَّ نَہَارًا﴾:أَيْ دَائِمًا مِنْ غَیْرِ فَتُوْرٍ وَ لَا تَوَانٍ‘‘۔[3]