|
فصل دوم
نکاح کے رستے میں حائل رکاوٹوں کا ازالہ
۱۔ تمہید:
اسلام نے نکاح کی صرف ترغیب ہی پر اکتفاء نہیں کیا بلکہ اس کے لیے جلدی کرنے کا بھی حکم دیا ہے۔ امام ترمذی رحمہ اللہ نے حضرت علی رضی اللہ عنہ سے روایت کیا ہے کہ نبی کریم صلی اللہ علیہ وسلم نے فرمایا:اے علی! تین چیزوں کو مؤخر نہ کرو،(۱)نماز کو جب اس کا وقت ہوجائے،(۲)جنازہ کو جب وہ حاضر ہو اور(۳)بے شوہر عورت کو جب اس کے لیے ہم پلہ رشتہ پالو۔ [1] اسلام نے شادی جلد کرنے کا حکم اس لیے دیا ہے کیونکہ تأخیر کی صورت میں حرام میں مبتلا ہونے کا خطرہ ہے۔ [2]
|