’’سب سے افضل ذکر لا الہ الا اللّٰه ہے۔‘‘ ٭حضرت عبد اللہ بن بسر رضی اللہ عنہ کا بیان ہے کہ ایک شخص نے رسول اللہ صلی اللہ علیہ وسلم سے کہا:(إِنَّ شَرَائِعَ الْإِسْلاَمِ قَدْ کَثُرَتْ عَلَیَّ،فَأَخْبِرْنِیْ بِشَیْئٍ أَتَشَبَّثُ بِہٖ ) ’’شریعت کے احکامات(میری کمزوری کی وجہ سے ) مجھ پر غالب آ چکے ہیں ،لہذا آپ مجھے کوئی(آسان سا ) کام بتا دیں جس پر میں (فرائض کے بعد ) ہمیشہ عمل کرتا رہوں۔‘‘ آپ صلی اللہ علیہ وسلم نے فرمایا:(لاَ یَزَالُ لِسَانُکَ رَطْبًا بِذِکْرِ اللّٰہِ ) ’’ تمہاری زبان ہمیشہ اللہ تعالیٰ کے ذکر کے ساتھ تر رہے۔‘‘[الترمذی:۳۳۷۵۔وصححہ الألبانی ] ٭نبی کریم صلی اللہ علیہ وسلم نے ارشاد فرمایا:’’کیا تم میں سے کوئی شخص ہر دن ایک ہزار نیکیاں کمانے سے عاجز ہے؟‘‘ جو لوگ آپ کے ساتھ بیٹھے تھے ان میں سے ایک نے کہا:ہم میں سے کوئی شخص ایک ہزار نیکیاں کیسے کما سکتا ہے؟تو آپ صلی اللہ علیہ وسلم نے فرمایا:’’وہ سو مرتبہ سبحان اللّٰه کہے تو اس کیلئے ایک ہزار نیکیاں لکھ دی جاتی ہیں یا اس کے ایک ہزار گناہ مٹا دئیے جاتے ہیں۔‘‘[رواہ مسلم ](۱۰) ترس کھانے کی فضیلت٭ نبی کریم صلی اللہ علیہ وسلم کا ارشاد ہے:’’ترس کھانے والوں پر رحمن بھی ترس کھاتا