Maktaba Wahhabi

جہیز جوڑے کی رسم

مؤلف: کے ۔ رفیق احمد

ناشر: توحید پبلیکیشنز بنگلور

سال شائع: 2008

اور اس کا عقیدہ توحید والا ہویا مشرکانہ، ہربات کو نظرانداز کردیتے ہیں اور اس کی بے تحاشا مانگیں پوری کرکے اپنی بیٹی کو اس کے حوالے کردیتے ہیں۔ خود اپنے ہاتھوں سے اپنی اولاد کے دینی ودنیوی مستقبل کا گلاگھونٹ دیتے ہیں۔ اکثر لوگوں کی اس حرکت کی وجہ سے وہ حضرات بھی مجبوراً کفِ افسوس ملتے ہوئے ان کے نقشِ قدم پر چلتے ہیں جو معاشرہ میں ایسی برائیوں سے دور رہنا چاہتے ہیں۔ بہرحال یہ ضروری ہے کہ لڑکی والے اپنی بیٹی کے لئے ایسے رشتے کو ترجیح دیں جو پرہیزگار اور توحید پرست ہو، اس کی عیش وعشرت کونہ دیکھیں۔ جہیز…’’حج وزکوٰۃسے روگردانی کا باعث‘‘ حج اسلام کا پانچواں اور اہم رکن ہے‘ جو کوئی استطاعت کے باوجود حج نہ کرے اس کیلئے حدیث میں سخت وعیدآئی ہے چنانچہ سورۃ آل عمران آیت ۱۹۷ میں ارشادِ الٰہی ہے: {وَلِلّٰہِ عَلَی النَّاسِ حِجُّ الْبَیْْتِ مَنِ اسْتَطَاعَ إِلَیْْہِ سَبِیْلاً وَمَنْ کَفَرَ فَإِنَّ اللّٰہ غَنِیٌّ عَنِ الْعَالَمِیْنَ} (سورۃ آل عمران:۹۷) ’’اللہ کی طرف سے لوگوں پر حج بیت اللہ فرض کردیا گیا ہے جو وہاں تک پہنچنے کی طاقت رکھتا ہو۔ اور جو انکار کردے تو جان لو اللہ تعالیٰ تمام دنیا سے بے نیاز ہے۔‘‘ سنن سعید بن منصور اور شرح الاعتقاد لالکائی میں حضرت عمرِ فاروق رضی اللہ عنہ کا ارشاد ہے: ’’میں نے ارادہ کیا کہ ان شہروں کی طرف اپنے آدمی بھیجوں وہ ہر اُس شخص کا پتہ چلائیں جس نے طاقت کے باوجود حج نہ کیا ہوتاکہ میرے آدمی ایسے لوگوں پر غیر مسلموں سے لیا جانے والا ٹیکس(جزیہ) نافذ کردیں۔‘‘ اور آخر میں فرمایا:
x
صفحہعنوان
3تصدیر
7عرضِ ناشر طبع اوّل
11مقدمہ طبع دوم
11شادی میں دلہن کو جہیز دینے کی شرعی حیثیت
14پیش لفظ
17جہیز جوڑے کی رسم
25جہیز…’’حج وزکوٰۃسے روگردانی کا باعث‘‘
28اس رواج کے برے اثرات:
30مہر کی حقیقت اور اس کی شرعی حیثیت
41چند اہم نکات
43مسائل کا حل اور اس مذموم رسم سے نجاعت کی راہ
45شادی اور’’نماز کا مسئلہ‘‘
60قارئین کرام سے گذارش
62اسلامی بہنوں سے اپیل
63نوجوانوں اور والدین کی خدمت میں !
Flag Counter