Maktaba Wahhabi

فتنہ وضع حدیث اور موضوع احادیث کی پہچان

مؤلف: محمد سعود عالم قاسمی

ناشر: اہلحدیث ٹرسٹ، مرکزی جامع مسجد کورٹ روڈ، کراچی

بایں ہمہ کسی ضعیف اور کمزور حدیث کاموضوع قرار دیا جانا جب کہ اس کے موضوع ہونے کا قوی امکان موجود ہے اتنا بڑا معاملہ نہیں جتنا کہ کسی موضوع روایت کو درست قرار دینا اور نبی صلی اللہ علیہ وسلم کی طرف منسوب کر کے فکر و عمل کی بنیاد بنا لینا ہے اور اگر معاملہ مبادیاتِ اسلام کا ہو ا ورنازک ہو تو بعض علماء کہتے ہیں کہ ’’معیار نبوت کو گرانے سے بہتر یہ ہے کہ راویوں کی ثقاہنت مجروح قرار دی جائے خصوصاً جب اس کا امکان موجود ہے کہ کسی بدوین اور جھوٹے راوی نے موضوع روایت کو ثقہ راویوں کی حدیث میں داخل کر دیا ہو‘‘۔[1] زیرِ نظر کتاب فتنہ ٔ وضع حدیث اور موضوع احادیث کی پہچان اصلاً ایک مقالہ ہے جو مسلم یونیورسٹی علی گڑھ میں M-T-H کی ڈگری لینے کے لئے راقم نے مولانا پروفیسر محمد تقی امینی صاحب کی زیرِ نگرانی لکھا تھا۔ ایک دینی طالب علم ہونے کے ناطے مجھے اس موضوع سے طبعی مناسبت تھی اور چونکہ اردو زبان میں اس موضوع پر کوئی معقول کتب میری اطلاع کی حد تک نہیں لکھی گئی اس لئے اس عنوان پر کام کرنے کا شوق دامن گیر ہو گیا۔ پھر یہ احساس بھی تھا کہ رسول اللہ صلی اللہ علیہ وسلم کی حدیث منبع علم و عرفان ہی نہیں ہے بلکہ سرچشمہ ـ ٔ یقین و ایمان بھی ہے اس لئے اگر اس فیض جاری سے استفادہ کا اور کسی درجہ میں اس کی خدمتکا موقع مل جائے تو یہ سعادت دو جہان ہے۔ چنانچہ اس موضوع سے متعلق دستیاب کتابوں کا مطالعہ کیا اور حاصل مطالعہ قلم بند کیا پھر یہی حاصل مطالعہ مرکزی مکتبہ اسلامی دہلی سے جنوری ۱۹۸۷؁ء میں شائع ہو کر مقبول عام ہوا مگر اس میں بہت سی غلطیاں رہ گئی تھیں جن کی وجہ سے کہیں کہیں مقصد ہی فوت ہو جاتا تھا۔ راقم کو نہ تو نظر ثانی کا موقع ملا اور نہ پروف دیکھنے کا بلکہ کتاب کی اطلاع اس وقت ملی جب وہ بازار میں آچکی تھی لہٰذا اس کی اصلاح ازحد ضروری تھی۔ دوسرے ایڈیشن کے لئے جب کتاب کی تصحیح ا ور تہذیب کرنے بیٹھا تو اسے از سرِ نو مرتب کرنے کا خیال کروٹیں لینے لگا چنانچہ تصحیح کے ساتھ ترحیم و اضافہ بھی کرنا پڑا اور حسنِ ترتیب کا بھی لحاظ رکھا۔
x
صفحہعنوان
4تقریب
6دیباچہ
9مقدمہ
18پہلا باب حدیث: ایک اصولی بحث
18حدیث کے معنی :
19حدیث کی تعریف۔
21حدیث اور سنت:
23حدیث اور سیرت:
24قرآن اور حدیث:
25شریعت کی تشکیل میں حدیث کا مقام :
27صحابہ کرام کا حدیث میں انہماک :
30طلبِ حدیث کے لئے سفر:
36طبقات کتب حدیث:
46وضع حدیث کی جسارت :
49موضوع روایت کاحکم:
53وضع حدیث کے اسباب اور محرکات
53وضع حدیث کی ابتداء :
55روافض اور خوارج اور وضع حدیث:
57شیعہ اور وضع حدیث:
61اہلِ سنت اور وضع حدیث :
64شانِ نبوت میں غلو:
68فقہی اور مسلکی اختلاف :
70بادشاہوں اور امیروں کی خوشنودی:
72ایک بے بنیاد الزام:
73ترغیب و ترہیب :
75زہد اور تصوف:
79شہرت اورمقبولیت :
80عجوبہ پسندی :
82قرآن کی تلاوت اور تفسیر:
85کچھ اور اسباب:
90موضوع احادیث کی علامات موضوع احادیث اورمحدثین کی خدمات :
Flag Counter