Maktaba Wahhabi

انسانیت موت کے دروازے پر

مؤلف: مولانا ابو الکلام آزاد

ناشر: ادارہ اسلامیات ،لاہور

سال شائع: 1990

190
سے مجھے انس حاصل ہو گا۔ پھر میں جان لوں گا کہ اپنے پروردگار کو کیا جواب دوں ؟‘‘ [1] بگڑتا زیادہ ہوں بنتا کم ہوں ہوش وحواس آخری وقت تک قائم تھے۔ معاویہ بن خدیج عیادت کو گئے تو دیکھا نزع کی حالت ہے، پوچھا”کیا حال ہے ؟‘‘ آپ نے جواب دیا:”پگھل رہا ہوں، بگڑتا زیادہ ہوں، بنتا کم ہوں، اس صورت میں بوڑھے کا بچنا کیوں کر ممکن ہے۔ ‘‘[2] حضرت ابن عباس رضی اللہ تعالیٰ عنہ سے سوال و جواب حضرت ابن عباس رضی اللہ تعالیٰ عنہ عیادت کو آئے، سلام کیا، طبیعت پوچھی، کہنے لگے :”میں نے اپنی دنیا کم بنائی اور دین زیادہ بگاڑ لیا۔ اگر میں نے اسے بگاڑاہوتاجسے سنوارا ہے اور اسے سنواراہوتاجسے بگاڑا ہے تو یقیناً بازی لے جاتا۔ اگر مجھے اختیار ملے تو ضروراسی کی آرزو کروں۔ اگر بھاگنے سے بچ سکوں تو ضرور بھاگ جاؤں۔ اس وقت تو میں منجنیق کی طرح آسمان اور زمین کے درمیان معلق ہو رہا ہوں، نہ اپنے ہاتھوں کے زورسے اوپر چڑھ سکتا ہوں نہ پیروں کی قوت سے نیچے اترسکتا ہوں۔ اے میرے بھتیجے !مجھے کوئی ایسی نصیحت کرجس سے فائدہ اٹھاؤں۔‘‘ ابن عباس رضی اللہ تعالیٰ عنہ نے جواب دیا:اے عبداللہ !اب وقت کہاں ؟
x
صفحہعنوان
5نقش آغاز
8رحلت نبوی صلی اللہ علیہ وسلم
41وفات صدیق رضی اللہ تعالیٰ عنہ
52شہادت فاروق رضی اللہ تعالیٰ عنہ
70شہادت عثمانی رضی اللہ تعالیٰ عنہ
98شہادت علی مرتضی رضی اللہ تعالیٰ عنہ
114شہادت حسین رضی اللہ تعالیٰ عنہ
186عمرو بن العاص رضی اللہ تعالیٰ عنہ
193حجاج بن یوسف
201معاویہ بن ابی سفیان رضی اللہ تعالیٰ عنہ
210خبیب بن عدی رضی اللہ تعالیٰ عنہ
217عبداللہ ذوالبجادین رضی اللہ تعالیٰ عنہ
223عبداللہ بن زبیر رضی اللہ تعالیٰ عنہ
234عمر بن عبدالعزیز رحمۃ اللہ علیہ
Flag Counter