Maktaba Wahhabi

انسانیت موت کے دروازے پر

مؤلف: مولانا ابو الکلام آزاد

ناشر: ادارہ اسلامیات ،لاہور

سال شائع: 1990

220
رشتوں کو کاٹ کاٹ کر پھینک دیا تھا، اب ان کے پاس نہ اونٹ تھے، نہ گھوڑے اور نہ بھیڑیں اور نہ بکریاں، نہ سامان تھانہ مکان، نہ غذا نہ پانی، نہ پانی نہ برتن۔ جسم پر کپڑے کا ایک تار نہ تھا۔ مادر زاد برہنہ اور یہ سمجھ رہے تھے کہ ’’اب میں مومن اور موحد ہوا ہوں۔ ‘‘ ماں نے پوچھا”تواب کیا ارادہ ہے ؟”کہنے لگے :”اب میں حضرت محمد صلی اللہ علیہ وسلم کی خدمت میں جاؤں گا۔ صرف یہ چاہتا ہوں کہ مجھے سترپوشی کے بقدر کپڑا دے دیا جائے۔ ‘‘ماں نے ایک کمبل دیا۔ آپ نے وہیں اس کپڑے کا دو ٹکڑے کئے ایک ٹکڑا تہ بند کے طور پر باندھا اور دوسراچادرکے طور پر اوڑھا اور یہ مومن اور موحداس حال میں مدینہ منورہ کی طرف روانہ ہو گیا۔ رات کی تاریکی اپنی قوت ختم کر چکی تھی، کائنات سورج کا استقبال کرنے کے لئے بیدار ہو رہی تھی، پرندے حمد خدا میں مصروف تھے۔ روشنی سے بھیگی ہوئی بادسحرمسجدنبوی میں اٹکھیلیاں کر رہی تھیں کہ گرد سے اٹا ہوا ذوالبجادین رضی اللہ تعالیٰ عنہ تاروں کی چھاؤں میں مسجدنبوی میں داخل ہوا۔ ایک دیوار کے ساتھ ٹیک لگا کر آفتاب ہدایت کے طلوع ہونے کا انتظار کرنے لگا۔ تھوڑی دیر میں صحن مسجد کے ذرات نے خوش آمدید کا ترانہ چھیڑا۔ معلوم ہوا کہ حضرت محمد صلی اللہ علیہ وسلم تشریف لا رہے ہیں۔ حضور صلی اللہ علیہ و آلہ و سلم نے صحن مسجدمیں قدم رکھا تو ذوالبجادین رضی اللہ تعالیٰ عنہ سامنے تھا۔ رسول اللہ صلی اللہ علیہ و آلہ و سلم:”آپ کون ہیں ؟‘‘ ذوالبجادین رضی اللہ تعالیٰ عنہ:”ایک فقیر اور مسافر۔ عاشق جمال اور طالب دیدار۔ میرا نام عبد العزیٰ ہے۔ ‘‘
x
صفحہعنوان
5نقش آغاز
8رحلت نبوی صلی اللہ علیہ وسلم
41وفات صدیق رضی اللہ تعالیٰ عنہ
52شہادت فاروق رضی اللہ تعالیٰ عنہ
70شہادت عثمانی رضی اللہ تعالیٰ عنہ
98شہادت علی مرتضی رضی اللہ تعالیٰ عنہ
114شہادت حسین رضی اللہ تعالیٰ عنہ
186عمرو بن العاص رضی اللہ تعالیٰ عنہ
193حجاج بن یوسف
201معاویہ بن ابی سفیان رضی اللہ تعالیٰ عنہ
210خبیب بن عدی رضی اللہ تعالیٰ عنہ
217عبداللہ ذوالبجادین رضی اللہ تعالیٰ عنہ
223عبداللہ بن زبیر رضی اللہ تعالیٰ عنہ
234عمر بن عبدالعزیز رحمۃ اللہ علیہ
Flag Counter