غم جناب عبد الرحمن عاجزؔ اس نظم میں یہ التزام کیا گیا ہے کہ ہر شعر میں لفظ ’’غم‘‘ ضرور آئے۔آنکھ پُر نم ہے غمِ فرقت سے دل رنجور ہے داستانِ غم سنا نے پر زباں مجبور ہےجب کوئی ساتھی نہیں ہوتا تو غم دیتا ہے ساتھ غم حقیقت میں رفیقِ ہر دلِ مہجور ہےغم نہ کر کوئی نہیں تیرا یہاں گر غم گسار یہ جہانِ غم ہے، غم سے یہ جہاں معمور ہےاس جہانِ غم میں مثلِ لالۂ خونیں کفن دل مرا ہنستے ہوئے بھی کس قدر رنجور ہےایک جاں ہے جو ہزاروں غم سے ہے آتشِ بجاں ایک دل ہے سینکڑوں فکروں میں جو محصور ہےدوستو! ہم کس لئے سعیِ نجاتِ غم کریں غم سے جب لذت کشِ راحت و دل مجبور ہےہو غمِ دورِ فلک، یا ہو غمِ جورِ حبیب عاشقِ جانباز تو ہر حال میں مسرور ہےغم نہ کر اے کشتۂ دار و رسن کچھ غم نہ کر! سرخیٔ رودادِ غم خونِ دلِ منصور ہےبحرِ غم میں ڈوب کر ہم پر یہ روشن ہو گیا ظلمتِ یاس و الم میں غم چراغِ طور ہےفکر و حسرت، یاس و حرماں ، سوز و غم، رنج و ملال اس شرابِ ناب سے ہر جامِ دل معمور ہےہے مالِ راحتِ دنیا، غم و رنج و ملال اور غم عقبٰے میں عیشِ جاوداں مستور ہےآخرت کا غم، غمِ دنیا کا ہے کامل علاج آیتِ حق ہے یہ جو قرآن میں مذکور ہےکیا نہیں عاجزؔ تجھے کچھ بھی غمِ روزِ حسابچند روزہ زندگی پر کس قدر مغرور ہے