Maktaba Wahhabi

محدث شمارہ 48

مؤلف: ڈاکٹر عبدالرحمٰن مدنی

ناشر: مجلس التحقیق الاسلامی ،لاہور

سال شائع: مئی 1976ء

وحدت ملی کے جو اصل تقاضے ہیں ان کی طرف کسی کا بھی دھیان نہیں ہے بلکہ جداگانہ ریاستوں یا سیاسی گروپوں کے استحکام کے لیے رات دن جہاد کرتے رہتے ہیں او رکبھی یہ نہیں سوچتے کہ اس کے بجائے سارے عالم اسلام کو ایک نظام خلافت کی لڑی میں پرو کر پوری ملت اسلامیہ کو ہم ایک وحدت میں منتقل کردیں۔ لیکن جو کوئی اٹھتا ہے ، وہ اسلامی احکام کی وسعتوں کو سمیٹنے پر تل جاتا ہے اور مصنوعی وحدت کے لیےسر پھٹول کرکے ملت کو مزید انتشار میں مبتلا کرکے رکھ دیتا ہے۔ قرآن و حدیث میں کہیں بھی متعدد جمعات کی ممانعت مذکور نہیں ہے۔ اگر ایک شہر میں متعدد جمعوں کا وجود کم دکھائی دیتا ہے تو صرف اس لیے کہ اس وقت حالات کا یہی تقاضا تھا۔ ایک ہی خلافت تھی، ایک ہی امیر تھا اور میر کارواں بھی ایک ہی امام تھا اور آبادی بھی اس کی متحمل تھی کہ ایک ہی جگہ اسے سمیٹا جاسکتا تھا۔مگر اب ان میں سے بیشتر قدریں بالکل بدل گئی ہیں۔ اس لیے اب محض مصنوعی وحدت کے لیے نوخیز نسل کے دینی مستقبل کو ضائع کرنا مناسب نہیں ہے۔ حضرت امام ابن تیمیہ رحمہ اللہ (ج۷۲۸ھ؍۱۳۲۸ء) فرماتے ہیں کہ حضرت علی المرتضیٰ رضی اللہ عنہ نے تعدد جمعہ کا حکم دیا تھا: ولنا ما صح عن امیر المومنین علی رضی اللّٰہ تعالیٰ عنہ امر بتعدد الجمعۃ وھذا الاثر صحیح ۔ صححہ ابن تیمیۃ منہاج السنۃ (رسائل الارکان ص۱۱۸، فتاویٰ اہلحدیث: ۲؍۳۵۱) ظاہر ہے کہ حضرت علی رضی اللہ عنہ نے اسے بطور مشغلہ کے اختیار نہیں کیا ہوگا بلکہ حالات کا اقتضا ہی ایسا ہوگا۔ اس لیے ہم سمجھتے ہیں کہ پہلے اگر متعدد جمعہ کی مثالیں نہیں ملتیں تو اس لیے نہیں کہ وہ جائز نہیں تھا بلکہ اصل بات یہ تھی کہ اس کے لیے کوئی داعیہ موجود نہ تھا ۔ اب اگر حالات ایسے پیدا ہوگئے ہیں تو ضرور ان کو ملحوظ رکھناچاہیے۔ ۲۔ تعداد افراد: اس کے لیے کچھ بزرگوں نے تعداد افراد کاذکر کیا ہے لیکن قرآن و حدیث میں اس کا کوئی ذکر نہیں ہے۔ جن روایات میں واقعہ کےطور پر بعض جگہ اس کاذکر آیا ہے کہ وہاں شرکاء کی تعداد اتنی تھی۔ لیکن وہ ایک واقعہ کا ذکر ہے ، شرائط کانہیں ہے۔ اس کے لیے بس اتنا کافی ہے کہ نماز باجماعت ہوسکے۔ زندگی میں جائیداد ورثاء میں تقسیم اور کسی وارث کو عاق کرنا:عنوان بالادو اہم مسائل پر مشتمل ہے ایک یہ کہ حین حیات کیاجائیداد کی تقسیم ورثہ کی تقسیم کی طرح کم و بیش ہونی چاہیے یا اس میں انصاف ضروری ہے ؟ دوسرا یہ کہ کیا کسی جائزوارث کو جائیداد سے محروم رکھنے کی وصیت کی جاسکتی ہے او راس پرعمل جائز ہوگا؟ زیربحث فتویٰ صرف دوسرے مسئلہ سے متعلق ہے او راسی سلسلہ میں شرعی رائے پیش کی گئی ہے۔ (مدیر)
x
صفحہعنوان
3عظیم مقابر کی دریافت اور حضرت عمر رضی اللہ عنہ اور حضرت علی رضی اللہ عنہ کا تعامل
13عالمِ اسلام کے سیاسی سربراہوں کے نام
22استفتاء
33اخلاق فاضلہ۔ احادیثِ نبوی صلی اللہ علیہ وسلم کی روشنی میں
46تو کائناتِ حسن ہے یا حسنِ کائنات
47تعارف و تبصرہ کتب
Flag Counter