Maktaba Wahhabi

محدث شمارہ 284

مؤلف: حافظ عبد الرحمن مدنی

ناشر: مجلس التحقیق الاسلامی لاہور

سال شائع: نومبر و دسمبر 2004ء

تینوں مذکورہ مجوزہ آئینی بلوں کے ایک جائزے کے ساتھ ساتھ ان کے ممکنہ اثرات کا تجزیہ کرنے کی کوشش کرتے ہیں ۔ (1) وفاقی حکومت کا ترمیمی مسودہ وفاقی حکومت نے حدود آرڈیننس، قانون توہین رسالت اور قانون دیت وقصاص سے متعلق رائج الوقت قوانین میں تبدیلیوں کے لئے ایک بل تیار کیا ہے جس کا مسودہ وزیرمملکت برائے قانون کے وستخطوں کے ساتھ قومی اسمبلی میں برائے مطالعہ تقسیم کیا گیا ہے۔ اس مسودے میں مذکورہ بالا قوانین میں ترمیم و تبدل کی جو وجوہات بیان کی گئی ہیں ، ان کا ترجمہ حسب ِذیل ہے : ”غیرت کے نام پر قتل اور اسی عنوان سے کئے گئے دیگر جرائم جن میں ’کاروکاری‘ اور ’سیاہ کاری‘ وغیرہ شامل ہیں ، عوام الناس اور بنیادی انسانی حقوق کے لئے کام کرنے والی تنظیموں میں ہمیشہ سے زیر بحث چلے آرہے ہیں ۔ لیکن گذشتہ چند سالوں کے دوران یہ مباحث زیادہ اہمیت اختیا رکرتے چلے گئے ہیں ۔ بدقسمتی یہ ہے کہ مختلف عوامی سطحوں کے ساتھ ساتھ پولیس نے بھی غیرت کے نام پر کئے جانے والے جرائم کو قابل معافی تصور کرلیا ہے۔ ایسے جرائم میں سے بہت سے واقعات پر اکثر اوقات پرچہ تک درج نہیں کیا جاتا یا پھر مناسب تحقیق نہیں کی جاتی، مزید یہ کہ اس کے بعد سنجیدگی سے مقدمات کی پیروی سے گریز کیا جاتاہے۔ بہت سے مقدمات میں صلح کروا دی جاتی ہے۔ اس طرح مجرم اکثر اوقات سزا سے صاف بچ نکلتے ہیں اور اگر سزا ہو بھی تو جرم کی شدت کے تناسب سے نہیں ہوتی۔ یہی وجہ ہے کہ غیرت کے نام پر کئے جانے والے جرائم کی سزاوٴں میں اضافہ تجویز کرنا ضروری ہوگیا ہے۔ یہ بھی محسوس کیا گیا ہے کہ بالخصوص پولیس اہلکار توہین رسالت کے مقدمات میں اور حدود آرڈیننس کے تحت جرمِ زنا میں ملوث خواتین کے معاملات میں قانون کا غلط استعمال کررہے ہیں ۔ اس لئے ان معاملات میں پولیس کی تفتیش کا معیا ربلند کیا جانا مقصود ہے۔ تاکہ ایسے جرائم کی تفتیش سپرنٹنڈنٹ پولیس کے عہدے سے کم رتبے کا کوئی اہلکار نہ کرسکے۔ اور زنا کے زیر الزام کسی خاتون کو عدالت کی اجازت کے بغیر پولیس گرفتار نہ کرسکے۔ زیر تجویز بل انہی مقاصد کے حصول کے لئے وضع کیا گیا ہے۔“ مذکورہ بالا زیر تجویز بل کی دفعہ نمبر 1 میں کہا گیا ہے کہ اس قانون کا نام ’دی کریمنل لاء
x
صفحہعنوان
2قرآن و سنت سے متصادم قانون سازی
26’غیرت کے نام پر قتل‘ کی سزا شرعی اور قانونی نقطہ نظر
69آئین میں مجوزہ نئی حکومتی ترامیم ؟
82طبقہ نسواں کے لئے اسلامی تعلیمات
97مسلمان عورت اور کارزارِ حیات
102آزادیٴ نسواں کا فریب
107تحریک’ نا زَ ن ‘ایک ناقدانہ جائزہ
119آزادئ نسواں یا فحاشی کا فروغ؟
129خواتین کی تعلیم وتربیت، اہمیت، مقاصد رکاوٹیں اور مطلوبہ لائحہ عمل
Flag Counter