Maktaba Wahhabi

محدث شمارہ 300

مؤلف: حافظ عبد الرحمن مدنی

ناشر: مجلس التحقیق الاسلامی لاہور

سال شائع: جون 2006ء

ایکٹ میں ایسی ہی ترامیم تجویز کی گئی ہیں ، اسکے بعد عملاً وطن عزیز میں محض حدود آرڈیننس ہی واحد اسلامی قانون کے طورپر باقی رہ جاتاہے جس سے ملک کا رہا سہا اسلامی تشخص برقرار ہے۔ حدود قوانین کی منسوخی کا مطالبہ اس کے یومِ نفاذ سے ہی وہ لوگ کر رہے ہیں جن کی نظرمیں اس ملک کا اسلامی ریاست ہونا ہی ایک امتیازی اور اضافی مسئلہ ہے۔ مغربی افکار کے پروردہ ان حلقوں کو مطمئن کرنے کے لئے ہر حکومت خواتین کمیشن٭ قائم کرتی رہی۔ اِن دنوں بھی وفاقی وزیر قانون جناب وصی ظفر کے بقول حدود قوانین کے بارے میں تجاویز اورمسودۂ قانون حکومت کو پیش کیا جاچکا ہے اوراس پر عنقریب بحث ہونے والی ہے۔ یہ ہے وہ پس منظر جس کے لئے پاکستان کے ایک اہم ابلاغی ادارے نے اپنے تمام اُردو/ انگریزی اخبارات اور ٹی وی چینلز پر حدودقوانین کے خلاف ’میڈیا٭ ٹرائل‘ شروع کررکھا ہے۔ ملک کے حقیقی مسائل کو نظر انداز کرکے اس امرکو اس قدر اہمیت دی گئی ہے گویا یہ وطن عزیز کا اہم ترین مسئلہ ہے۔ دوسری طرف اسی ملک میں عائلی قوانین ۱۹۶۱ء اور قتل غیرت کے نام سے حالیہ قانون سازی وہ اہم اقدامات ہیں جن میں اسلامی تعلیمات کو نظر انداز کیا گیا ہے لیکن ان کو مقدس گائے بناکر دینی وعوامی حلقوں کے احتجاج کو کوئی اہمیت نہیں دی جا رہی، مفرور لڑکیوں کے نکاح پر متعدد فاضل جج صاحبان قانون سازی کی سفارش کرچکے ہیں ، لیکن یہاں بھی اصلاحِ احوال کی بجائے معاشرتی اقدار کی شکست وریخت پر اسمبلیوں میں گھمبیر خاموشی طاری ہے۔ ___________________ ٭ مثلاً ’عورت کی حیثیت کے بارے میں کمیشن‘ چیئرپرسن : بیگم زری سرفراز ۱۹۸۵ء + ’دی کمیشن آف انکوائری فار ویمن‘ چیئرمین : جسٹس سعدسعودجان ۱۹۹۴ء ، بعد میں ’خواتین حقوق کمیشن‘ جسٹس ناصر اسلم زاہد ۱۹۹۶ء + ’نیشنل کمیشن آن دی سٹیٹس آف ویمن‘، چیئرپرسن جسٹس (ر) واجدہ رضوی ۲۰۰۰ء وغیرہ ٭ روزنامہ جنگ، انقلاب اور دی نیوز اخبارات میں قد آدم اشتہارات کے علاوہ اوّل وآخرصفحہ کے نچلے کالم میں روزانہ ۸/ ۱۰ بیانات، جیو چینل پر روزانہ ۵ سے زائد بار حدود پرپروگرام۔ ’ذراسوچئے‘ کے نام سے مستقل سلسلۂ بحث جس کے بڑے بڑے بورڈ چوراہوں پر، حدود آرڈیننس کے لئے مستقل ویب سائٹ۔ اس پر اکتفا نہیں بلکہ دیگر پروگراموں جوابدہ، آمنے سامنے، الف، کیپٹل ٹاک وغیرہ میں بھی حدود قوانین کو زیر بحث لایا گیا۔ اس لئے اس مہم کو بعض لوگوں نے میڈیا ٹرائل اور بعض نے ’ہفتہ پولیو‘ یا ’ہفتہ ٹریفک‘ سے تشبیہ دی ہے۔
x
صفحہعنوان
45حدود قوانین کا ’میڈیا ٹرائل ‘ مغالطے،شبہات اور متفقہ ترامیم؟
58کیا نبی کریم صلی اللہ علیہ وسلم لکھنا پڑھنا نہیں جانتے تھے؟ نبی صلی اللہ علیہ وسلم کی طرف سے حج وعمرہ بدل کرنا ؟
62علامہ جاوید الغامدی کی روشنی طبع
64جاوید احمد غامدی اور ان کے نام نہاد’امام‘ کی عربی دانی اور قرآن فہمی کے چند نمونے
73غزل
74حدود آرڈیننس کو حدود اللہ کیسے بنایاجائے؟
88جرمِ زنا آرڈی نینس پر اعتراضات کا جائزہ
117حدود قوانین میں مجوزہ سفارشات پر ایک نظر
Flag Counter